Marqus 11

eesa bait-ul-muqaddas men jaata hai

15vah yarooshalam pahunch gaay. aur eesa bait-ul-muqaddas men ja kar unhen nikaalnay laga jo vahaan qurbaaniyon kay liyay darkaar cheezon kee khareed-o-farokht kar rahay thay. us nay sikkon ka tabaadla karnay vaalon kee mezen aur kabootar bechanay vaalon kee kursiyaan ulat deen 16aur jo tijaartee maal lay kar bait-ul-muqaddas kay sahenon men say guzar rahay thay unhen rok liya. 17taaleem day kar us nay kaha, “kya kalaam-ay-muqaddas men naheen likha hai, ‘mera ghar tamaam qaumon kay liyay dua ka ghar kahelaaega’? lekin tum nay usay daakuon kay adday men badal diya hai.”

18raahanuma imaamon aur shareeat kay ulma nay jab yah suna to usay qatl karnay ka mauqa dhoondnay lagay. kyoonki vah us say dartay thay is liyay ki poora hujoom us kee taaleem say nihaayat hairaan tha.

19jab shaam huee to eesa aur us kay shaagird shaher say nikal gaay.

Marqus 11

kis nay eesa ko ikhtiyaar diya?

27vah ek aur dafa yarooshalam pahunch gaay. aur jab eesa bait-ul-muqaddas men phir raha tha to raahanuma imaam, shareeat kay ulma aur buzurg us kay paas aaay. 28unhon nay poochha, “aap yah sab kuchh kis ikhtiyaar say kar rahay hain? kis nay aap ko yah karnay ka ikhtiyaar diya hai?”

29eesa nay javaab diya, “mera bhee tum say ek savaal hai. is ka javaab do to phir tum ko bata doonga ki main yah kis ikhtiyaar say kar raha hoon. 30mujhay bataao, kya yaheya ka baptisma aasmaanee tha ya insaanee?”

31vah aapas men bahs karnay lagay, “agar ham kahen ‘aasmaanee’ to vah poochhega, ‘to phir tum us par eemaan kyoon na laaay?’ 32lekin ham kaisay kah saktay hain ki vah insaanee tha?” vajah yah thee ki vah aam logon say dartay thay, kyoonki sab maantay thay ki yaheya vaaqaee nabee tha. 33chunaanchay unhon nay javaab diya, “ham naheen jaantay.”

Looqa 20

shareeat kay ulma say khabardaar

45jab log sun rahay thay to us nay apnay shaagirdon say kaha, 46“shareeat kay ulma say khabardaar raho! kyoonki vah shaandaar choghay pahen kar idhar udhar phirna pasand kartay hain. jab log baazaaron men salaam karkay un kee izzat kartay hain to phir vah khush ho jaatay hain. un kee bas ek hee khwaahish hotee hai ki ibaadatkhaanon aur ziyaafaton men izzat kee kursiyon par baith jaaen. 47yah log bevaaon kay ghar hadap kar jaatay aur saath saath dikhaavay kay liyay lambee lambee duaaen maangtay hain. aisay logon ko nihaayat sakht saza milegee.”

Looqa 21

beva ka chandaa

1eesa nay nazar utha kar dekha ki ameer log apnay hadiay bait-ul-muqaddas kay chanday kay baks men daal rahay hain. 2ek ghareeb beva bhee vahaan say guzree jis nay us men taambay kay do maamoolee say sikkay daal diay. 3eesa nay kaha, “main tum ko sachch bataata hoon ki is ghareeb beva nay tamaam logon kee nisbat ziyaada daala hai. 4kyoonki in sab nay to apnee daulat kee kasrat say kuchh daala jabki is nay zarooratmand honay kay baavujood bhee apnay guzaaray kay saaray paisay day diay hain.”

bait-ul-muqaddas par aanay vaalee tabaahee

5us vaqt kuchh log bait-ul-muqaddas kee taareef men kahenay lagay ki vah kitnay khoobsoorat pattharon aur mannat kay tuhfon say sajee huee hai. yah sun kar eesa nay kaha, 6“jo kuchh tum ko yahaan nazar aata hai us ka patthar par patthar naheen rahega. aanay vaalay dinon men sab kuchh dha diya jaaega.”

museebaton aur eezaarasaanee kee peshgoee

7unhon nay poochha, “ustaad, yah kab hoga? kya kya nazar aaega jis say maaloom ho ki yah ab honay ko hai?”

8eesa nay javaab diya, “khabardaar raho ki koee tumhen gumraah na kar day. kyoonki bahut say log mera naam lay kar aaengay aur kahengay, ‘main hee maseeh hoon’ aur ki ‘vaqt qareeb a chuka hai.’ lekin un kay peechhay na lagna. 9aur jab jangon aur fitnon kee khabren tum tak pahunchengee to mat ghabraana. kyoonki laazim hai ki yah sab kuchh pahelay pesh aaay. to bhee abhee aakhirat na hogee.”

10us nay apnee baat jaaree rakhee, “ek qaum doosree kay khilaaf uth khadee hogee, aur ek baadshaahee doosree kay khilaaf. 11shadeed zalzlay aaengay, jagah jagah kaal padengay aur vabaaee beemaariyaan phail jaaengee. haibtanaak vaaqiaat aur aasmaan par baday nishaan dekhnay men aaengay. 12lekin in tamaam vaaqiaat say pahelay log tum ko pakad kar sataaengay. vah tum ko yahoodee ibaadatkhaanon kay havaalay karengay, qaidkhaanon men dalavaaengay aur baadshaahon aur hukmaraanon kay saamnay pesh karengay. aur yah is liyay hoga ki tum meray pairokaar ho. 13nateejay men tumhen meree gavaahee denay ka mauqa milega. 14lekin thaan lo ki tum pahelay say apna difa karnay kee tayyaaree na karo, 15kyoonki main tum ko aisay alfaaz aur hikmat ata karoonga ki tumhaaray tamaam mukhaalif na us ka muqaabla aur na us kee tardeed kar sakengay. 16tumhaaray vaalidain, bhaaee, rishtedaar aur dost bhee tum ko dushman kay havaalay kar dengay, balki tum men say baaz ko qatl kiya jaaega. 17sab tum say nafrat karengay, is liyay ki tum meray pairokaar ho. 18to bhee tumhaara ek baal bhee beeka naheen hoga. 19saabitqadam rahenay say hee tum apnee jaan bacha logay.

Looqa 20

shareeat kay ulma say khabardaar

45jab log sun rahay thay to us nay apnay shaagirdon say kaha, 46“shareeat kay ulma say khabardaar raho! kyoonki vah shaandaar choghay pahen kar idhar udhar phirna pasand kartay hain. jab log baazaaron men salaam karkay un kee izzat kartay hain to phir vah khush ho jaatay hain. un kee bas ek hee khwaahish hotee hai ki ibaadatkhaanon aur ziyaafaton men izzat kee kursiyon par baith jaaen. 47yah log bevaaon kay ghar hadap kar jaatay aur saath saath dikhaavay kay liyay lambee lambee duaaen maangtay hain. aisay logon ko nihaayat sakht saza milegee.”

Book or keyword Luke 21:1-19:1-20 ... no results. Search again

Looqa 21

37har roz eesa bait-ul-muqaddas men taaleem deta raha aur har shaam vah nikal kar us pahaad par raat guzaarta tha jis ka naam zaitoon ka pahaad hai. 38aur tamaam log us kee baaten sunnay kay liyay subah-saveray bait-ul-muqaddas men us kay paas aatay thay.

Looqa 22

eesa kay khilaaf mansoobaabandiyaan

1bekhameeree rotee kee eed yaanee fasah kee eed qareeb a gaee thee. 2raahanuma imaam aur shareeat kay ulma eesa ko qatl karnay ka koee mauzoon mauqa dhoond rahay thay, kyoonki vah avaam kay radd-ay-amal say dartay thay.

eesa ko dushman kay havaalay karnay ka mansoobaa

3us vaqt iblees yahoodaah iskariyotee men sama gaya jo baarah rasoolon men say tha. 4ab vah raahanuma imaamon aur bait-ul-muqaddas kay paheredaaron kay afsaron say mila aur un say baat karnay laga ki vah eesa ko kis tarah un kay havaalay kar sakega. 5vah khush huay aur usay paisay denay par muttafiq huay. 6yahoodaah razaamand hua. ab say vah is talaash men raha ki eesa ko aisay mauqay par un kay havaalay karay jab hujoom us kay paas na ho.

fasah kee eed kay liyay tayyaariyaan

7bekhameeree rotee kee eed aaee jab fasah kay lelay ko qurbaan karna tha. 8eesa nay patras aur yoohanna ko aagay bhej kar hidaayat kee, “jaao, hamaaray liyay fasah ka khaana tayyaar karo taaki ham ja kar usay kha saken.”

9unhon nay poochha, “ham usay kahaan tayyaar karen?”

10us nay javaab diya, “jab tum shaher men daakhil hogay to tumhaaree mulaaqaat ek aadmee say hogee jo paanee ka ghada uthaaay chal raha hoga. us kay peechhay chal kar us ghar men daakhil ho jaao jis men vah jaaega. 11vahaan kay maalik say kahena, ‘ustaad aap say poochhtay hain ki vah kamra kahaan hai jahaan main apnay shaagirdon kay saath fasah ka khaana khaaoon?’ 12vah tum ko doosree manzil par ek bada aur saja hua kamra dikhaaega. fasah ka khaana vaheen tayyaar karna.”

13donon chalay gaay to sab kuchh vaisa hee paaya jaisa eesa nay unhen bataaya tha. phir unhon nay fasah ka khaana tayyaar kiya.

fasah ka aakhiree khaanaa

14muqarrara vaqt par eesa apnay shaagirdon kay saath khaanay kay liyay baith gaya. 15us nay un say kaha, “meree shadeed aarzoo thee ki dukh uthaanay say pahelay tumhaaray saath mil kar fasah ka yah khaana khaaoon. 16kyoonki main tum ko bataata hoon ki us vaqt tak is khaanay men shareek naheen hoonga jab tak is ka maqsad allaah kee baadshaahee men poora na ho gaya ho.”

17phir us nay mai ka piyaala lay kar shukrguzaaree kee dua kee aur kaha, “is ko lay kar aapas men baant lo. 18main tum ko bataata hoon ki ab say main angoor ka ras naheen piyoonga, kyoonki aglee dafa isay allaah kee baadshaahee kay aanay par piyoonga.”

19phir us nay rotee lay kar shukrguzaaree kee dua kee aur usay tukday karkay unhen day diya. us nay kaha, “yah mera badan hai, jo tumhaaray liyay diya jaata hai. mujhay yaad karnay kay liyay yahee kiya karo.” 20isee tarah us nay khaanay kay baad piyaala lay kar kaha, “mai ka yah piyaala vah naya ahd hai jo meray khoon kay zareeay qaaim kiya jaata hai, vah khoon jo tumhaaray liyay bahaaya jaata hai.

21lekin jis shakhs ka haath meray saath khaana khaanay men shareek hai vah mujhay dushman kay havaalay kar dega. 22ibn-ay-aadam to allaah kee marzee kay mutaabiq kooch kar jaaega, lekin us shakhs par afsos jis kay vaseelay say usay dushman kay havaalay kar diya jaaega.”

23yah sun kar shaagird ek doosray say bahs karnay lagay ki ham men say yah kaun ho sakta hai jo is qism kee harkat karega.

kaun bada hai?

24phir ek aur baat bhee chhid gaee. vah ek doosray say bahs karnay lagay ki ham men say kaun sab say bada samjha jaaay. 25lekin eesa nay un say kaha, “ghairyahoodee qaumon men baadshaah vahee hain jo doosron par hukoomat kartay hain, aur ikhtiyaar vaalay vahee hain jinhen ‘muhasin’ ka laqab diya jaata hai. 26lekin tum ko aisa naheen hona chaahiay. is kay bajaay jo sab say bada hai vah sab say chhotay ladkay kee maanind ho aur jo raahanumaaee karta hai vah naukar jaisa ho. 27kyoonki aam taur par kaun ziyaada bada hota hai, vah jo khaanay kay liyay baitha hai ya vah jo logon kee khidmat kay liyay haazir hota hai? kya vah naheen jo khaanay kay liyay baitha hai? beshak. lekin main khidmat karnay vaalay kee haisiyat say hee tumhaaray darmiyaan hoon.

28dekho, tum vahee ho jo meree tamaam aazmaaishon kay dauraan meray saath rahay ho. 29chunaanchay men tum ko baadshaahee ata karta hoon jis tarah baap nay mujhay bhee baadshaahee ata kee hai. 30tum meree baadshaahee men meree mez par baith kar meray saath khaao aur piyogay, aur takhton par baith kar israaeel kay baarah qabeelon ka insaaf karogay.

patras kay inkaar kee peshgoee

31shamaaoon, shamaaoon! iblees nay tum logon ko gandum kee tarah phataknay ka mutaalba kiya hai. 32lekin main nay teray liyay dua kee hai taaki tera eemaan jaata na rahay. aur jab too mud kar vaapas aaay to us vaqt apnay bhaaiyon ko mazboot karna.”

33patras nay javaab diya, “khudaavand, main to aap kay saath jel men bhee jaanay balki marnay ko tayyaar hoon.”

34eesa nay kaha, “patras, main tujhay bataata hoon ki kal subah murgh kay baang denay say pahelay pahelay too teen baar mujhay jaannay say inkaar kar chuka hoga.”

ab batvay, baig aur talvaar kee zaroorat hai

35phir us nay un say poochha, “jab main nay tum ko batvay, saamaan kay liyay baig aur jooton kay baghair bhej diya to kya tum kisee bhee cheez say maheroom rahay?”

unhon nay javaab diya, “kisee say naheen.”

36us nay kaha, “lekin ab jis kay paas batva ya baig ho vah usay saath lay jaaay, balki jis kay paas talvaar na ho vah apnee chaadar bech kar talvaar khareed lay. 37kalaam-ay-muqaddas men likha hai, ‘usay mujrimon men shumaar kiya gaya’ aur main tum ko bataata hoon, laazim hai ki yah baat mujh men pooree ho jaaay. kyoonki jo kuchh meray baaray men likha hai usay poora hee hona hai.”

38unhon nay kaha, “khudaavand, yahaan do talvaaren hain.” us nay kaha, “bas! kaafee hai!”

zaitoon kay pahaad par eesa kee duaa

39phir vah shaher say nikal kar maamool kay mutaabiq zaitoon kay pahaad kee taraf chal diya. us kay shaagird us kay peechhay ho liyay. 40vahaan pahunch kar us nay un say kaha, “dua karo taaki aazmaaish men na pado.”

41phir vah unhen chhod kar kuchh aagay nikla, taqreeban itnay faasilay par jitnee door tak patthar phainka ja sakta hai. vahaan vah jhuk kar dua karnay laga, 42“ai baap, agar too chaahay to yah piyaala mujh say hata lay. lekin meree naheen balki teree marzee pooree ho.” 43us vaqt ek farishtay nay aasmaan par say us par zaahir ho kar us ko taqviyat dee. 44vah sakht pareshaan ho kar ziyaada dilsozee say dua karnay laga. saath saath us ka paseena khoon kee boondon kee tarah zameen par tapaknay laga.

45jab vah dua say faarigh ho kar khada hua aur shaagirdon kay paas vaapas aaya to dekha ki vah gham kay maaray so gaay hain. 46us nay un say kaha, “tum kyoon so rahay ho? uth kar dua kartay raho taaki aazmaaish men na pado.”

eesa kee giriftaaree

47vah abhee yah baat kar hee raha tha ki ek hujoom a pahuncha jis kay aagay aagay yahoodaah chal raha tha. vah eesa ko bosa denay kay liyay us kay paas aaya. 48lekin us nay kaha, “yahoodaah, kya too ibn-ay-aadam ko bosa day kar dushman kay havaalay kar raha hai?”

49jab us kay saathiyon nay bhaamp liya ki ab kya honay vaala hai to unhon nay kaha, “khudaavand, kya ham talvaar chalaaen?” 50aur un men say ek nay apnee talvaar say imaam-ay-aazam kay ghulaam ka dahena kaan uda diya.

51lekin eesa nay kaha, “bas kar!” us nay ghulaam ka kaan chhoo kar usay shifa dee. 52phir vah un raahanuma imaamon, bait-ul-muqaddas kay paheredaaron kay afsaron aur buzurgon say mukhaatib hua jo us kay paas aaay thay, “kya main daakoo hoon ki tum talvaaren aur laathiyaan liyay meray khilaaf niklay ho? 53main to rozaana bait-ul-muqaddas men tumhaaray paas tha, magar tum nay vahaan mujhay haath naheen lagaaya. lekin ab yah tumhaara vaqt hai, vah vaqt jab taareekee hukoomat kartee hai.”

patras eesa ko jaannay say inkaar karta hai

54phir vah usay giriftaar karkay imaam-ay-aazam kay ghar lay gaay. patras kuchh faasilay par un kay peechhay peechhay vahaan pahunch gaya. 55log sahen men aag jala kar us kay ird-gird baith gaay. patras bhee un kay darmiyaan baith gaya. 56kisee naukraanee nay usay vahaan aag kay paas baithay huay dekha. us nay usay ghoor kar kaha, “yah bhee us kay saath tha.”

57lekin us nay inkaar kiya, “khaatoon, main usay naheen jaanta.”

58thodee der kay baad kisee aadmee nay usay dekha aur kaha, “tum bhee un men say ho.”

lekin patras nay javaab diya, “naheen bhaee! main naheen hoon.”

59taqreeban ek ghanta guzar gaya to kisee aur nay israar karkay kaha, “yah aadmee yaqeenan us kay saath tha, kyoonki yah bhee galeel ka rahenay vaala hai.”

60lekin patras nay javaab diya, “yaar, main naheen jaanta ki tum kya kah rahay ho!”

vah abhee baat kar hee raha tha ki achaanak murgh kee baang sunaaee dee. 61khudaavand nay mud kar patras par nazar daalee. phir patras ko khudaavand kee vah baat yaad aaee jo us nay us say kahee thee ki “kal subah murgh kay baang denay say pahelay pahelay too teen baar mujhay jaannay say inkaar kar chuka hoga.” 62patras vahaan say nikal kar tootay dil say khoob roya.

laan-taan aur pitaaee

63paheredaar eesa ka mazaaq udaanay aur us kee pitaaee karnay lagay. 64unhon nay us kee aankhon par pattee baandh kar poochha, “nubuvvat kar ki kis nay tujhay maara?” 65is tarah kee aur bahut see baaton say vah us kee beizzatee kartay rahay.

yahoodee adaalat-ay-aaliya kay saamnay peshee

66jab din chadha to raahanuma imaamon aur shareeat kay ulma par mushtamil qaum kee majlis nay jama ho kar usay yahoodee adaalat-ay-aaliya men pesh kiya. 67unhon nay kaha, “agar too maseeh hai to hamen bata!”

eesa nay javaab diya, “agar main tum ko bataaoon to tum meree baat naheen maanogay, 68aur agar tum say poochhoon to tum javaab naheen dogay. 69lekin ab say ibn-ay-aadam allaah t’aala kay dahenay haath baitha hoga.”

70sab nay poochha, “to phir kya too allaah ka farzand hai?”

us nay javaab diya, “jee, tum khud kahetay ho.”

71is par unhon nay kaha, “ab hamen kisee aur gavaahee kee kya zaroorat rahee? kyoonki ham nay yah baat us kay apnay munh say sun lee hai.”

Looqa 22

zaitoon kay pahaad par eesa kee duaa

39phir vah shaher say nikal kar maamool kay mutaabiq zaitoon kay pahaad kee taraf chal diya. us kay shaagird us kay peechhay ho liyay. 40vahaan pahunch kar us nay un say kaha, “dua karo taaki aazmaaish men na pado.”

41phir vah unhen chhod kar kuchh aagay nikla, taqreeban itnay faasilay par jitnee door tak patthar phainka ja sakta hai. vahaan vah jhuk kar dua karnay laga, 42“ai baap, agar too chaahay to yah piyaala mujh say hata lay. lekin meree naheen balki teree marzee pooree ho.” 43us vaqt ek farishtay nay aasmaan par say us par zaahir ho kar us ko taqviyat dee. 44vah sakht pareshaan ho kar ziyaada dilsozee say dua karnay laga. saath saath us ka paseena khoon kee boondon kee tarah zameen par tapaknay laga.

45jab vah dua say faarigh ho kar khada hua aur shaagirdon kay paas vaapas aaya to dekha ki vah gham kay maaray so gaay hain. 46us nay un say kaha, “tum kyoon so rahay ho? uth kar dua kartay raho taaki aazmaaish men na pado.”

eesa kee giriftaaree

47vah abhee yah baat kar hee raha tha ki ek hujoom a pahuncha jis kay aagay aagay yahoodaah chal raha tha. vah eesa ko bosa denay kay liyay us kay paas aaya. 48lekin us nay kaha, “yahoodaah, kya too ibn-ay-aadam ko bosa day kar dushman kay havaalay kar raha hai?”

Looqa 22

patras eesa ko jaannay say inkaar karta hai

54phir vah usay giriftaar karkay imaam-ay-aazam kay ghar lay gaay. patras kuchh faasilay par un kay peechhay peechhay vahaan pahunch gaya.