1 Tavaareekh 2
yaaqoob yaanee israaeel kay bete
1israaeel kay baarah betay roobin, shamaaoon, laavee, yahoodaah, ishkaar, zabooloon, 2daan, yoosuf, binyameen, naftaalee, jad aur aashar thay.
yahoodaah ka nasabnaamaa
3yahoodaah kee shaadee kan’aanee aurat say huee jo sooa kee betee thee. un kay teen betay er, onaan aur sela paida huay. yahoodaah ka pahelautha er rabb kay nazdeek shareer tha, is liyay us nay usay marnay diya. 4yahoodaah kay mazeed do betay us kee bahoo tamar say paida huay. un kay naam faaras aur zaarah thay. yoon yahoodaah kay kul paanch betay thay.
5faaras kay do betay hasron aur hamool thay.
6zaarah kay paanch betay zimree, aitaan, haimaan, kalkool aur daara thay. 7karmee bin zimree ka beta vahee akar yaanee akan tha jis nay us lootay huay maal men say kuchh liya jo rabb kay liyay makhsoos tha. 8aitaan kay betay ka naam azariyaah tha.
9hasron kay teen betay yarahemiel, raam aur kaloobee yaanee kaalib thay.
raam kee aulaad
10raam kay haan ammeenadaab aur ammeenadaab kay haan yahoodaah kay qabeelay kay sardaar nahson paida hua. 11nahson salmon ka aur salmon boaz ka baap tha. 12boaz obed ka aur obed yassee ka baap tha. 13baday say lay kar chhotay tak yassee kay betay iliyaab, abeendaab, sim’a, 14nataneeel, raddee, 15ozam aur daaood thay. kul saat bhaaee thay. 16un kee do bahenen zarooyaah aur abeejel theen. zarooyaah kay teen betay abeeshai, yoaab aur asaahel thay. 17abeejel kay ek beta amaasa paida hua. baap yatar ismaaeelee tha.
kaalib kee aulaad
18kaalib bin hasron kee beevee azooba kay haan betee banaam yareeot paida huee. yareeot kay betay yashar, sobaab aur ardoon thay. 19azooba kay vafaat paanay par kaalib nay ifraat say shaadee kee. un kay beta hoor paida hua. 20hoor ooree ka aur ooree bazaleeel ka baap tha.
2160 saal kee umr men kaalib kay baap hasron nay dubaara shaadee kee. beevee jiliaad kay baap makeer kee betee thee. is rishtay say beta sajoob paida hua. 22-23 sajoob ka beta vah yaaeer tha jis kee jiliaad kay ilaaqay men 23 bastiyaan banaam ‘yaaeer kee bastiyaan’ theen. lekin baad men jasoor aur shaam kay faujiyon nay un par qabza kar liya. us vaqt unhen qanaat bhee gird-o-navaah kay ilaaqay samet haasil hua. un dinon men kul 60 aabaadiyaan un kay haath men a gaeen. in kay tamaam baashinday jiliaad kay baap makeer kee aulaad thay. 24hasron jis kee beevee abiyaah thee faut hua to kaalib aur ifraata kay haan beta ashhoor paida hua. baad men ashhoor taqooa shaher ka baanee ban gaya.
yarahemiel kee aulaad
25hasron kay pahelauthay yarahemiel kay betay baday say lay kar chhotay tak raam, boona, oran, ozam aur akhiyaah thay. 26yarahemiel kee doosree beevee ataara ka ek beta onaam tha.
27yarahemiel kay pahelauthay raam kay betay maaz, yameen aur ekar thay. 28onaam kay do betay sammee aur yada thay. sammee kay do betay nadab aur abeesoor thay. 29abeesoor kee beevee abeekhail kay do betay akhbaan aur molid paida huay. 30nadab kay do betay silad aur affaaim thay. silad beaulaad mar gaya, 31lekin affaaim kay haan beta yisaee paida hua. yisaee seesaan ka aur seesaan akhlee ka baap tha. 32sammee kay bhaaee yada kay do betay yatar aur yoontan thay. yatar beaulaad mar gaya, 33lekin yoontan kay do betay falat aur zaaza paida huay. sab yarahemiel kee aulaad thay. 34-35 seesaan kay betay naheen thay balki betiyaan. ek betee kee shaadee us nay apnay misree ghulaam yarkha say karvaaee. un kay beta attee paida hua. 36attee kay haan naatan paida hua aur naatan kay zabad, 37zabad kay iflaal, iflaal kay obed, 38obed kay yaahoo, yaahoo kay azariyaah, 39azariyaah kay khalis, khalis kay iliaasa, 40iliaasa kay sismee, sismee kay salloom, 41salloom kay yaqamiyaah aur yaqamiyaah kay ileesma.
kaalib kee aulaad ka ek aur nasabnaamaa
42zail men yarahemiel kay bhaaee kaalib kee aulaad hai : us ka pahelautha mesa zeef ka baap tha aur doosra beta maresa habroon ka baap. 43habroon kay chaar betay qorah, taffooah, raqam aur sama thay. 44sama kay betay rakham kay haan yurqiaam paida hua. raqam sammee ka baap tha, 45sammee maoon ka aur maoon bait-soor ka.
46kaalib kee daashta aifa kay betay haaraan, mauza aur jaaziz paida huay. haaraan kay betay ka naam jaaziz tha. 47yahdee kay betay rajam, yootaam, jesaan, falat, aifa aur shaaf thay.
48kaalib kee doosree daashta maaka kay betay shibar, tirhana, 49shaaf (madamanna ka baap) aur siva (makbena aur jibia ka baap) paida huay. kaalib kee ek betee bhee thee jis ka naam aksa tha. 50sab kaalib kee aulaad thay.
ifraata kay pahelauthay hoor kay betay qiryat-yaareem ka baap sobal, 51bait-lahem ka baap salma aur bait-jaadir ka baap khaarif thay. 52qiryat-yaareem kay baap sobal say yah gharaanay niklay : haraaee, maanahet ka aadha hissaa 53aur qiryat-yaareem kay khaandaan uttaree, footee, sumaatee aur misraaee. in say sur’aatee aur istaalee niklay hain.
54salma say zail kay gharaanay niklay : bait-lahem kay baashinday, natoofaatee, atraat-bait-yoaab, maanahet ka aadha hissa, suraee 55aur yaabeez men aabaad munshiyon kay khaandaan tir’aatee, sim’aatee aur sookaatee. yah sab qeenee thay jo raikaabiyon kay baap hammat say niklay thay.