1 Tavaareekh 24

khidmat kay liyay imaamon kay guroh

¹haaroon kee aulaad ko bhee mukhtalif gurohon men taqseem kiya gaya. haaroon kay chaar betay nadab, abeehoo, ileeazar aur itmar thay. ²nadab aur abeehoo apnay baap say pahelay mar gaay, aur un kay betay naheen thay. ileeazar aur itmar imaam ban gaay. ³daaood nay imaamon ko khidmat kay mukhtalif gurohon men taqseem kiya. sadoq aur akheemlik nay is men daaood kee madad kee (sadoq ileeazar kee aulaad men say aur akheemlik itmar kee aulaad men say tha). ⁴ileeazar kee aulaad ko 16 gurohon men aur itmar kee aulaad ko 8 gurohon men taqseem kiya gaya, kyoonki ileeazar kee aulaad kay itnay hee ziyaada khaandaanee sarparast thay. ⁵tamaam zimmaadaariyaan qur’a daal kar in mukhtalif gurohon men taqseem kee gaeen, kyoonki ileeazar aur itmar donon khaandaanon kay bahut saaray aisay afsar thay jo pahelay say maqdis men rabb kee khidmat kartay thay.

⁶yah zimmaadaariyaan taqseem karnay kay liyay ileeazar aur itmar kee aulaad baaree baaree qur’a daaltay rahay. qur’a daaltay vaqt baadshaah, israaeel kay buzurg, sadoq imaam, akheemlik bin abiyaatar aur imaamon aur laaviyon kay khaandaanee sarparast haazir thay. meeramunshee samaayaah bin nataneeel nay jo khud laavee tha khidmat kay in gurohon kee faherist zail kee tarteeb say likh lee jis tarah vah qur’a daalnay say muqarrar kiay gaay,

⁷1. yahooyareeb,

2. yadaayaah,

⁸3. haarim,

4. saooreem,

⁹5. malkiyaah,

6. miyaameen,

¹⁰7. haqqooz,

8. abiyaah,

¹¹9. yashooa,

10. sakaniyaah,

¹²11. iliyaasib,

12. yaqeem,

¹³13. khuffaah,

14. yasbiaab,

¹⁴15. bilja,

16. immer,

¹⁵17. khazeer,

18. fizzeez,

¹⁶19. fatahiyaah,

20. yahizqel,

¹⁷21. yakeen,

22. jamool,

¹⁸23. dilaayaah,

24. maaziyaah.

¹⁹imaamon ko isee tarteeb kay mutaabiq rabb kay ghar men a kar apnee khidmat sar’anjaam denee thee, un hidaayaat kay mutaabiq jo rabb israaeel kay khuda nay unhen un kay baap haaroon kee maarifat dee theen.

khidmat kay liyay laaviyon kay mazeed guroh

²⁰zail kay laaviyon kay mazeed khaandaanee sarparast hain :

amraam kee aulaad men say soobaael,

soobaael kee aulaad men say yahediyaah

²¹rahebiyaah kee aulaad men say yissiyaah sarparast tha,

²²izhaar kee aulaad men say saloomeet,

saloomeet kee aulaad men say yahet,

²³habroon kee aulaad men say baday say lay kar chhotay tak yariyaah, amariyaah, yahezeeel aur yaqamiaam,

²⁴uzzeeel kee aulaad men say meekaah,

meekaah kee aulaad men say sameer,

²⁵meekaah ka bhaaee yissiyaah,

yissiyaah kee aulaad men say zakariyaah,

²⁶miraaree kee aulaad men say mahelee aur mooshee,

us kay betay yaaziyaah kee aulaad,

²⁷miraaree kay betay yaaziyaah kee aulaad men say sooham, zakkoor aur ibree,

^28-29 mahelee kee aulaad men say ileeazar aur qees. ileeazar beaulaad tha jabki qees kay haan yarahemiel paida hua.

³⁰mooshee kee aulaad men say mahelee, idar aur yareemot bhee laaviyon kay in mazeed khaandaanee sarparaston men shaamil thay.

³¹imaamon kee tarah un kee zimmaadaariyaan bhee qur’a-andaazee say muqarrar kee gaeen. is silsilay men sab say chhotay bhaaee kay khaandaan kay saath aur sab say baday bhaaee kay khaandaan kay saath sulook baraabar tha. is kaar-ravaaee kay liyay bhee daaood baadshaah, sadoq, akheemlik aur imaamon aur laaviyon kay khaandaanee sarparast haazir thay.