1 Tavaareekh 4

yahoodaah kee aulaad

¹faaras, hasron, karmee, hoor aur sobal yahoodaah kee aulaad thay.

²riyaayaah bin sobal kay haan yahet, yahet kay akhoomee aur akhoomee kay laahad paida hua. yah sur’aatee khaandaanon kay baapdaada thay.

³aitaam kay teen betay yazrael, isma aur idbaas thay. un kee bahen ka naam hazlilfonee tha.

⁴ifraata ka pahelautha hoor bait-lahem ka baap tha. us kay do betay jadoor ka baap fanooel aur hoosa ka baap azar thay.

⁵taqooa kay baap ashhoor kee do beeviyaan heelaah aur naara theen.

⁶naara kay betay akhoozzaam, hifar, temnee aur hakhsataree thay.

⁷heelaah kay betay zarat, suhar aur itnaan thay.

⁸kooz kay betay anoob aur hazzobeeba thay. us say akharakhail bin haroom kay khaandaan bhee niklay.

⁹yaabeez kee apnay bhaaiyon kee nisbat ziyaada izzat thee. us kee maan nay us ka naam yaabeez yaanee ‘vah takleef deta hai’ rakha, kyoonki us nay kaha, “paida hotay vaqt mujhay badee takleef huee.” ¹⁰yaabeez nay buland aavaaz say israaeel kay khuda say iltimaas kee, “kaash too mujhay barkat day kar mera ilaaqa vasee kar day. tera haath meray saath ho, aur mujhay nuqsaan say bacha taaki mujhay takleef na pahunchay.” aur allaah nay us kee sunee.

¹¹sookha kay bhaaee kaloob maheer ka aur maheer istoon ka baap tha.

¹²istoon kay betay bait-rafa, faasah aur takhinna thay.

takhinna naahas shaher ka baap tha jis kee aulaad raika men aabaad hai. ¹³qanaz kay betay ghutaneeel aur siraayaah thay. ghutaneeel kay beton kay naam hatat aur maoonaatee thay.

¹⁴maoonaatee ufra ka baap tha.

siraayaah yoaab ka baap tha jo ‘vaadee-ay-kaareegar’ ka baanee tha. aabaadee ka yah naam is liyay pad gaya ki us kay baashinday kaareegar thay.

¹⁵kaalib bin yafunna kay betay eeroo, aila aur naam thay. aila ka beta qanaz tha.

¹⁶yahellal-el kay chaar betay zeef, zeefa, teeriyaah aur asar-el thay.

^17-18 azra kay chaar betay yatar, marad, ifar aur yaloon thay. marad kee shaadee misree baadshaah firaaun kee betee bitiyaah say huee. us kay teen bachchay mariyam, sammee aur isbaah paida huay. isbaah istimooa ka baap tha. marad kee doosree beevee yahoodaah kee thee, aur us kay teen betay jadoor ka baap yarad, soka ka baap hibar aur zanooh ka baap yaqooteeel thay.

¹⁹hoodiyaah kee beevee nahem kee bahen thee. us ka ek beta qaeela jarmee ka baap aur doosra istimooa maakaatee tha.

²⁰seemoon kay betay amnon, rinna, bin-hanaan aur teelon thay. yisaee kay betay zohit aur bin-zohit thay.

²¹sela bin yahoodaah kee darj-ay-zail aulaad thee : leka ka baap er, maresa ka baap laada, bait-ashbeea men aabaad baareek kataan ka kaam karnay vaalon kay khaandaan, ²²yoqeem, kozeeba kay baashinday, aur yooaas aur saaraaf jo qadeem rivaayat kay mutaabiq moaab par hukmraanee kartay thay lekin baad men bait-lahem vaapas aaay. ²³vah nataaeem aur jadeera men rah kar kumhaar aur baadshaah kay mulaazim thay.

shamaaoon kee aulaad

²⁴shamaaoon kay betay yamooel, yameen, yareeb, zaarah aur saaool thay. ²⁵saaool kay haan salloom paida hua, salloom kay mibsaam, mibsaam kay mishma, ²⁶mishma kay hammooel, hammooel kay zakkoor aur zakkoor kay simaee. ²⁷simaee kay 16 betay aur chhah betiyaan theen, lekin us kay bhaaiyon kay kam bachchay paida huay. nateejay men shamaaoon ka qabeela yahoodaah kay qabeelay kee nisbat chhota raha.

²⁸zail kay shaher un kay gird-o-navaah kee aabaadiyon samet shamaaoon ka qabaailee ilaaqa tha : bair-saba, molaada, hasaar-sooaal, ²⁹bilhaah, azam, tolad, ³⁰batooel, hurma, siqlaaj, ³¹bait-markabot, hasaar-sooseem, bait-biree aur shaaraim. daaood kee hukoomat tak yah qabeela in jagahon men aabaad tha, ³²neez aitaam, ain, rimmon, tokan aur asan men bhee. ³³in paanch aabaadiyon kay gird-o-navaah kay deehaat bhee baal tak shaamil thay. har maqaam kay apnay apnay tahereeree nasbanaamay thay.

³⁴shamaaoon kay khaandaanon kay darj-ay-zail sarparast thay : misobaab, yamleek, yoosha bin amasiyaah, ³⁵yoel, yaahoo bin yoosibiyaah bin siraayaah bin aseeel, ³⁶iliyooainee, yaaqooba, yashookhaaya, asaayaah, adeeel, yaseemeeel, binaayaah, ³⁷zeeza bin shifaee bin allon bin yadaayaah bin simree bin samaayaah.

³⁸darj-ay-baala aadmee apnay khaandaanon kay sarparast thay. un kay khaandaan bahut badh gaay, ³⁹is liyay vah apnay revdon ko charaanay kee jagahen dhoondtay dhoondtay vaadee kay mashriq men jadoor tak phail gaay. ⁴⁰vahaan unhen achchhee aur shaadaab charaagaahen mil gaeen. ilaaqa khula, pursukoon aur aaraamdih bhee tha. pahelay haam kee kuchh aulaad vahaan aabaad thee, ⁴¹lekin hizaqiyaah baadshaah kay ayyaam men shamaaoon kay mazkoora sarparaston nay vahaan kay rahenay vaalay haamiyon aur maooniyon par hamla kiya aur un kay tambooon ko tabaah karkay sab ko maar diya. ek bhee na bacha. phir vah khud vahaan aabaad huay. ab un kay revdon kay liyay kaafee charaagaahen theen. aaj tak vah isee ilaaqay men rahetay hain.

⁴²ek din shamaaoon kay 500 aadmee yisaee kay chaar beton falatiyaah, na’ariyaah, rifaayaah aur uzzeeel kee raahanumaaee men saeer kay pahaadee ilaaqay men ghus aaay. ⁴³vahaan unhon nay un amaaleeqiyon ko halaak kar diya jinhon nay bach kar vahaan panaah lee thee. phir vah khud vahaan rahenay lagay. aaj tak vah vaheen aabaad hain.