2 Samooel 6
daaood ahd ka sandooq yarooshalam men lay aata hai
1ek baar phir daaood nay israaeel kay chuneeda aadmiyon ko jama kiya. 30,000 afraad thay. 2un kay saath mil kar vah yahoodaah kay baala pahunch gaya taaki allaah ka sandooq utha kar yarooshalam lay jaaen, vahee sandooq jis par rabb-ul-afwaaj kay naam ka thappa laga hai aur jahaan vah sandooq kay oopar karoobee farishton kay darmiyaan takhtnasheen hai. 3-4 logon nay allaah kay sandooq ko pahaadee par vaaqay abeendaab kay ghar say nikaal kar ek naee bailgaadee par rakh diya, aur abeendaab kay do betay uzza aur akhiyo usay yarooshalam kee taraf lay jaanay lagay. akhiyo gaadee kay aagay aage 5aur daaood baaqee tamaam logon kay saath peechhay chal raha tha. sab rabb kay huzoor pooray zor say khushee manaanay aur geet gaanay lagay. mukhtalif saaz bhee bajaaay ja rahay thay. fiza sitaaron, sarodon, dafon, khanjariyon [a] ibraanee men is say maraad jhunjhunay jaisa koee saaz hai. aur jhaanjhon kee aavaazon say goonj uthee.
6vah gandum gaahanay kee ek jagah par pahunch gaay jis kay maalik ka naam nakon tha. vahaan bail achaanak bekaaboo ho gaay. uzza nay jaldee say allaah ka sandooq pakad liya taaki vah gir na jaaay. 7usee lamhay rabb ka ghazab us par naazil hua, kyoonki us nay allaah kay sandooq ko chhoonay kee jur’at kee thee. vaheen allaah kay sandooq kay paas hee uzza gir kar halaak ho gaya. 8daaood ko bada ranj hua ki rabb ka ghazab uzza par yoon toot pada hai. us vaqt say us jagah ka naam paraz-uzza yaanee ‘uzza par toot padna’ hai.
9us din daaood ko rabb say khauf aaya. us nay socha, “rabb ka sandooq kis tarah meray paas pahunch sakega?” 10chunaanchay us nay faisla kiya ki ham rabb ka sandooq yarooshalam naheen lay jaaengay balki usay obed-adom jaatee kay ghar men mahfooz rakhengay. 11vahaan vah teen maah tak pada raha.
in teen maheenon kay dauraan rabb nay obed-adom aur us kay pooray gharaanay ko barkat dee. 12ek din daaood ko ittila dee gaee, “jab say allaah ka sandooq obed-adom kay ghar men hai us vaqt say rabb nay us kay gharaanay aur us kee pooree milkiyat ko barkat dee hai.” yah sun kar daaood obed-adom kay ghar gaya aur khushee manaatay huay allaah kay sandooq ko daaood kay shaher lay aaya. 13chhah qadmon kay baad daaood nay rabb ka sandooq uthaanay vaalon ko rok kar ek saand aur ek mota-taaza bachhda qurbaan kiya. 14jab juloos aagay nikla to daaood pooray zor kay saath rabb kay huzoor naachnay laga. vah kataan ka baalaaposh pahenay huay tha. 15khushee kay naaray laga laga kar aur narsingay phoonk phoonk kar daaood aur tamaam israaeelee rabb ka sandooq yarooshalam lay aaay.
16rabb ka sandooq daaood kay shaher men daakhil hua to daaood kee beevee meekal bint saaool khidkee men say juloos ko dekh rahee thee. jab baadshaah rabb kay huzoor koodta aur naachta hua nazar aaya to meekal nay dil men usay haqeer jaana.
17rabb ka sandooq us tamboo kay darmiyaan men rakha gaya jo daaood nay us kay liyay lagvaaya tha. phir daaood nay rabb kay huzoor bhasm honay vaalee aur salaamatee kee qurbaaniyaan pesh keen. 18is kay baad us nay qaum ko rabb-ul-afwaaj kay naam say barkat day kar 19har israaeelee mard aur aurat ko ek rotee, khajoor kee ek tikkee aur kishmish kee ek tikkee day dee. phir tamaam log apnay apnay gharon ko vaapas chalay gaay.
20daaood bhee apnay ghar lauta taaki apnay khaandaan ko barkat day kar salaam karay. vah abhee mahel kay andar naheen pahuncha tha ki meekal nikal kar us say milnay aaee. us nay tanzan kaha, “vaah jee vaah. aaj israaeel ka baadshaah kitnee shaan kay saath logon ko nazar aaya hai! apnay logon kee laundiyon kay saamnay hee us nay apnay kapday utaar diay, bilkul usee tarah jis tarah ganvaar kartay hain.” 21daaood nay javaab diya, “main rabb hee kay huzoor naach raha tha, jis nay aap kay baap aur us kay khaandaan ko tark karkay mujhay chun liya aur israaeel ka baadshaah bana diya hai. usee kee taazeem men main aainda bhee naachoonga. 22haan, main is say bhee ziyaada zaleel honay kay liyay tayyaar hoon. jahaan tak laundiyon ka taalluq hai, vah zaroor meree izzat karengee.”
23jeetay jee meekal beaulaad rahee.