Āstar 10

mardkee apnee qaum ka sahaara bana raheta hai

¹baadshaah nay pooree saltanat kay tamaam mamaalik par saahilee ilaaqon tak taiks lagaaya. ²us kee tamaam zabardast kaamyaabiyon ka bayaan ‘shaahaan-ay-maadee-o-faars kee taareekh’ kee kitaab men kiya gaya hai. vahaan is ka bhee poora zikr hai ki us nay mardkee ko kis oonchay uhday par faaiz kiya tha. ³mardkee baadshaah kay baad saltanat ka sab say aala afsar tha. yahoodiyon men vah muazzaz tha, aur vah us kee badee qadar kartay thay, kyoonki vah apnee qaum kee baheboodee ka taalib raheta aur tamaam yahoodiyon kay haq men baat karta tha.