Āstar 9
yahoodee badla letay hain
1phir 12ven maheenay adaar ka 13vaan din [a] 7 maarch. a gaya jab baadshaah kay farmaan par amal karna tha. dushmanon nay us din yahoodiyon par ghaalib aanay kee ummeed rakhee thee, lekin ab is kay ulat hua, yahoodee khud un par ghaalib aaay jo un say nafrat rakhtay thay. 2saltanat kay tamaam soobon men vah apnay apnay shaheron men jama huay taaki un par hamla karen jo unhen nuqsaan pahunchaana chaahatay thay. koee un ka muqaabla na kar saka, kyoonki deegar tamaam qaumon kay log un say dar gaay thay. 3saath saath soobon kay shurfa, gavarnaron, haakimon aur deegar shaahee afsaron nay yahoodiyon kee madad kee, kyoonki mardkee ka khauf un par taaree ho gaya tha, 4aur darbaar men us kay oonchay uhday aur us kay badhtay huay asar-o-rasookh kee khabar tamaam soobon men phail gaee thee.
5us din yahoodiyon nay apnay dushmanon ko talvaar say maar daala aur halaak karkay nest-o-naabood kar diya. jo bhee un say nafrat rakhta tha us kay saath unhon nay jo jee chaaha sulook kiya. 6sosan kay qilaay men unhon nay 500 aadmiyon ko maar daala, 7-10 neez yahoodiyon kay dushman haamaan kay 10 beton ko bhee. un kay naam parshandaata, dalfoon, aspaata, poraata, adaliyaah, areedaata, parmashta, areesee, aridee aur vaizaata thay. lekin yahoodiyon nay un ka maal na loota.
11usee din baadshaah ko ittila dee gaee ki sosan kay qilaay men kitnay afraad halaak huay thay. 12tab us nay aastar malika say kaha, “sirf yahaan sosan kay qilaay men yahoodiyon nay haamaan kay 10 beton kay ilaava 500 aadmiyon ko maut kay ghaat utaar diya hai. to phir unhon nay deegar soobon men kya kuchh na kiya hoga! ab mujhay bataaen, aap mazeed kya chaahatee hain? vah aap ko diya jaaega. apnee darakhwaast pesh karen, kyoonki vah pooree kee jaaegee.” 13aastar nay javaab diya, “agar baadshaah ko manzoor ho to sosan kay yahoodiyon ko ijaazat dee jaaay ki vah aaj kee tarah kal bhee apnay dushmanon par hamla karen. aur haamaan kay 10 beton kee laashen soolee say latkaaee jaaen.”
14baadshaah nay ijaazat dee to sosan men is ka elaan kiya gaya. tab haamaan kay 10 beton ko soolee say latka diya gaya, 15aur aglay din yaanee maheenay kay 14ven din [b] 8 maarch. shaher kay yahoodee dubaara jama huay. is baar unhon nay 300 aadmiyon ko qatl kiya. lekin unhon nay kisee ka maal na loota.
16-17 saltanat kay soobon kay baaqee yahoodee bhee maheenay kay 13ven din [c] 7 maarch. apnay difa kay liyay jama huay thay. unhon nay 75,000 dushmanon ko qatl kiya lekin kisee ka maal na loota tha. ab vah dubaara chain ka saans lay kar aaraam say zindagee guzaar saktay thay. aglay din unhon nay ek doosray kee ziyaafat karkay khushee ka bada jashn manaaya. 18sosan kay yahoodiyon nay maheenay kay 13ven aur 14ven din jama ho kar apnay dushmanon par hamla kiya tha, is liyay unhon nay 15ven din khushee ka bada jashn manaaya. 19yahee vajah hai ki deehaat aur khulay shaheron men rahenay vaalay yahoodee aaj tak 12ven maheenay kay 14ven din [d] farvree ta maarch. jashn manaatay huay ek doosray kee ziyaafat kartay aur ek doosray ko tuhfay detay hain.
eed-ay-pooreem kee ibtidaa
20jo kuchh us vaqt hua tha usay mardkee nay qalamband kar diya. saath saath us nay faarsee saltanat kay qareebee aur doordaraaz kay tamaam soobon men aabaad yahoodiyon ko khat likh die 21jin men us nay elaan kiya, “ab say saalaana adaar maheenay kay 14ven aur 15ven din jashn manaana hai. 22khushee manaatay huay ek doosray kee ziyaafat karna, ek doosray ko tuhfay dena aur ghareebon men khairaat taqseem karna, kyoonki in dinon kay dauraan aap ko apnay dushmanon say sukoon haasil hua hai, aap ka dukh sukh men aur aap ka maatam shaadmaanee men badal gaya.”
23mardkee kee in hidaayaat kay mutaabiq in do dinon ka jashn dastoor ban gaya.
24-26 eed ka naam ‘pooreem’ pad gaya, kyoonki jab yahoodiyon ka dushman haamaan bin hammadaata ajaajee un sab ko halaak karnay ka mansooba baandh raha tha to us nay yahoodiyon ko maarnay ka sab say mubaarak din maaloom karnay kay liyay qur’a banaam poor daal diya. jab akhasverus ko sab kuchh maaloom hua to us nay hukm diya ki haamaan ko vah saza dee jaaay jis kee tayyaariyaan us nay yahoodiyon kay liyay kee theen. tab usay us kay beton samet phaansee say latkaaya gaya.
choonki yahoodee is tajribay say guzray thay aur mardkee nay hidaayat dee thee 27is liyay vah muttafiq huay ki ham saalaana isee vaqt yah do din ain hidaayaat kay mutaabiq manaaengay. yah dastoor na sirf hamaara farz hai, balki hamaaree aulaad aur un ghairyahoodiyon ka bhee jo yahoodee mazhab men shareek ho jaaengay. 28laazim hai ki jo kuchh hua hai har nasal aur har khaandaan usay yaad karkay manaata rahay, khwaah vah kisee bhee soobay ya shaher men kyoon na ho. zarooree hai ki yahoodee pooreem kee eed manaanay ka dastoor kabhee na bhoolen, ki us kee yaad un kee aulaad men say kabhee bhee mit na jaaay.
29malika aastar bint abeekhail aur mardkee yahoodee nay pooray ikhtiyaar kay saath pooreem kee eed kay baaray men ek aur khat likh diya taaki us kee tasdeeq ho jaaay. 30yah khat faarsee saltanat kay 127 soobon men aabaad tamaam yahoodiyon ko bheja gaya. salaamatee kee dua aur apnee vafaadaaree ka izhaar karnay kay baad 31malika aur mardkee nay unhen dubaara hidaayat kee, “jis tarah ham nay farmaaya hai, yah eed laaziman mut’ayyin auqaat kay ain mutaabiq manaanee hai. isay manaanay kay liyay yoon muttafiq ho jaaen jis tarah aap nay apnay aur apnee aulaad kay liyay roza rakhnay aur maatam karnay kay din muqarrar kiay hain.” 32apnay is farmaan say aastar nay pooreem kee eed aur usay manaanay kay qavaaid kee tasdeeq kee, aur yah taareekhee kitaab men darj kiya gaya.