Azra 10
butparast beeviyon ko talaaq
1jab azra is tarah dua kar raha aur allaah kay ghar kay saamnay paday huay aur rotay huay qaum kay qusoor ka iqraar kar raha tha to us kay ird-gird israaeelee mardon, aurton aur bachchon ka bada hujoom jama ho gaya. vah bhee phoot phoot kar ronay lagay.
2phir ailaam kay khaandaan kay sakaniyaah bin yaheeel nay azra say kaha,
“vaaqaee ham nay padosee qaumon kee aurton say shaadee karkay apnay khuda say bevafaaee kee hai. to bhee ab tak israaeel kay liyay ummeed kee kiran baaqee hai. 3aaen, ham apnay khuda say ahd baandh kar vaada karen ki ham un tamaam aurton ko un kay bachchon samet vaapas bhej dengay. jo bhee mashvra aap aur allaah kay ahkaam ka khauf maannay vaalay deegar log hamen dengay vah ham karengay. sab kuchh shareeat kay mutaabiq kiya jaaay. 4ab uthen! kyoonki yah muaamala durust karna aap hee ka farz hai. ham aap kay saath hain, is liyay hausla rakhen aur vah kuchh karen jo zarooree hai.”
5tab azra utha aur raahanuma imaamon, laaviyon aur tamaam qaum ko qasam khilaaee ki ham sakaniyaah kay mashvray par amal karengay. 6phir azra allaah kay ghar kay saamnay say chala gaya aur yoohanaan bin iliyaasib kay kamray men daakhil hua. vahaan us nay pooree raat kuchh khaaay piay baghair guzaaree. ab tak vah jilaavatanee say vaapas aaay huay logon kee bevafaaee par maatam kar raha tha.
7-8 sarkaaree afsaron aur buzurgon nay faisla kiya ki yarooshalam aur pooray yahoodaah men elaan kiya jaaay, “laazim hai ki jitnay bhee israaeelee jalaatnee say vaapas aaay hain vah sab teen din kay andar andar yarooshalam men jama ho jaaen. jo bhee is dauraan haazir na ho usay jilaavatanon kee jamaaat say khaarij kar diya jaaega aur us kee tamaam milkiyat zabt ho jaaegee.” 9tab yahoodaah aur binyameen kay qabeelon kay tamaam aadmee teen din kay andar andar yarooshalam pahunchay. navven maheenay kay beesven din [a] 19 sitambar. sab log allaah kay ghar kay sahen men jama huay. sab muaamalay kee sanjeedgee aur mausam kay sabab say kaamp rahay thay, kyoonki baarish ho rahee thee.
10azra imaam khaday ho kar kahenay laga, “aap allaah say bevafa ho gaay hain. ghairyahoodee aurton say rishta baandhnay say aap nay israaeel kay qusoor men izaafa kar diya hai. 11ab rabb apnay baapdaada kay khuda kay huzoor apnay gunaahon ka iqraar karkay us kee marzee pooree karen. padosee qaumon aur apnee pardesee beeviyon say alag ho jaaen.”
12pooree jamaaat nay buland aavaaz say javaab diya, “aap theek kahetay hain! laazim hai ki ham aap kee hidaayat par amal karen. 13lekin yah koee aisa muaamala naheen hai jo ek ya do din men durust kiya ja sakay. kyoonki ham bahut log hain aur ham say sanjeeda gunaah sarzad hua hai. neez, is vaqt barsaat ka mausam hai, aur ham ziyaada der baahar naheen thaher saktay. 14behatar hai ki hamaaray buzurg pooree jamaaat kee numaaindagee karen. phir jitnay bhee aadmiyon kee ghairyahoodee beeviyaan hain vah ek muqarrara din maqaamee buzurgon aur qaaziyon ko saath lay kar yahaan aaen aur muaamala durust karen. aur laazim hai ki yah silsila us vaqt tak jaaree rahay jab tak rabb ka ghazab thanda na ho jaaay.”
15tamaam log muttafiq huay, sirf yoontan bin asaahel aur yaheziyaah bin tiqva nay faislay kee mukhaalafat kee jabki masullaam aur sabbtee laavee un kay haq men thay. 16-17 to bhee israaeeliyon nay mansoobay par amal kiya. azra imaam nay chand ek khaandaanee sarparaston kay naam lay kar unhen yah zimmaadaaree dee ki jahaan bhee kisee yahoodee mard kee ghairyahoodee aurat say shaadee huee hai vahaan vah pooray muaamalay kee tahqeeq karen. un ka kaam dasven maheenay kay pahelay din [b] 29 disambar. shuroo hua aur pahelay maheenay kay pahelay din [c] 27 maarch. takmeel tak pahuncha.
18-19 darj-ay-zail un aadmiyon kee faherist hai jinhon nay ghairyahoodee aurton say shaadee kee thee. unhon nay qasam kha kar vaada kiya ki ham apnee beeviyon say alag ho jaaengay. saath saath har ek nay qusoor kee qurbaanee kay taur par mendha qurbaan kiya.
imaamon men say qusoorvaar :
yashooa bin yoosdaq aur us kay bhaaee maasiyaah, ileeazar, yareeb aur jidaliyaah,
20immer kay khaandaan ka hanaanee aur zabadiyaah,
21haarim kay khaandaan ka maasiyaah, ilyaas, samaayaah, yaheeel aur uzziyaah,
22fashhoor kay khaandaan ka iliyooainee, maasiyaah, ismaaeel, nataneeel, yoozbad aur iliaasa.
23laaviyon men say qusoorvaar :
yoozbad, simaee, qilaayaah yaanee qaleeta, fatahiyaah, yahoodaah aur ileeazar.
24gulookaaron men say qusoorvaar :
iliyaasib.
rabb kay ghar kay darbaanon men say qusoorvaar :
salloom, talam aur ooree.
25baaqee qusoorvaar israaeelee :
paraoos kay khaandaan ka ramiyaah, yazziyaah, malkiyaah, miyaameen, ileeazar, malkiyaah aur binaayaah.
26ailaam kay khaandaan ka mattaniyaah, zakariyaah, yaheeel, abdee, yareemot aur ilyaas,
27zattoo kay khaandaan ka iliyooainee, iliyaasib, mattaniyaah, yareemot, zabad aur azeeza.
28babee kay khaandaan ka yoohanaan, hananiyaah, zabbee aur atlee.
29baanee kay khaandaan ka masullaam, mallook, adaayaah, yasoob, siyaal aur yareemot.
30pakhat-moaab kay khaandaan ka adna, kilaal, binaayaah, maasiyaah, mattaniyaah, bazaleeel, binnooee aur manassee.
31haarim kay khaandaan ka ileeazar, yissiyaah, malkiyaah, samaayaah, shamaaoon, 32binyameen, mallook aur samariyaah.
33haashoom kay khaandaan ka mattnee, mattattaah, zabad, ileefalat, yaremee, manassee aur simaee.
34baanee kay khaandaan ka maadee, amraam, ooel, 35binaayaah, badiyaah, kaloohee, 36vaniyaah, mareemot, iliyaasib, 37mattaniyaah, mattnee aur yaasee.
38binnooee kay khaandaan ka simaee, 39salamiyaah, naatan, adaayaah, 40maknadabee, saasee, saaree, 41azrel, salamiyaah, samariyaah, 42salloom, amariyaah aur yoosuf.
43naboo kay khaandaan ka yaeeel, mattitiyaah, zabad, zabeena, yaddee, yoel aur binaayaah.
44in tamaam aadmiyon kee ghairyahoodee aurton say shaadee huee thee, aur un kay haan bachchay paida huay thay.