Azra 6
daara baadshaah yahoodiyon kee madad karta hai
1tab daara baadshaah nay hukm diya ki baabal kay khazaanay kay daftar men tafteesh kee jaaay. is ka khoj lagaatay lagaate 2aakhirkaar maadee shaher ikbtaana kay qilaay men toomaar mil gaya jis men likha tha,
3“khoras baadshaah kee hukoomat kay pahelay saal men shahenshaah nay hukm diya ki yarooshalam men allaah kay ghar ko us kee puraanee jagah par naay siray say taameer kiya jaaay taaki vahaan dubaara qurbaaniyaan pesh kee ja saken. us kee bunyaad rakhnay kay baad us kee oonchaaee 90 aur chaudaaee 90 fut ho. 4deevaaron ko yoon banaaya jaaay ki taraashay huay pattharon kay har teen raddon kay baad deodaar kay shaheteeron ka ek radda lagaaya jaaay. akhraajaat shaahee khazaanay say pooray kiay jaaen. 5neez sonay-chaandee kee jo cheezen nabookadnazzar yarooshalam kay is ghar say nikaal kar baabal laaya vah vaapas pahunchaaee jaaen. har cheez allaah kay ghar men us kee apnee jagah par vaapas rakh dee jaaay.”
6yah khabar padh kar daara nay darya-ay-furaat kay maghribee ilaaqay kay gavarnar tattnee, shatar-boznee aur un kay hamkhidmat afsaron ko zail ka javaab bhej diya,
“allaah kay is ghar kee taameer men mudaakhalat mat karna! 7logon ko kaam jaaree rakhnay den. yahoodiyon ka gavarnar aur un kay buzurg allaah ka yah ghar us kee puraanee jagah par taameer karen.
8na sirf yah balki main hukm deta hoon ki aap is kaam men buzurgon kee madad karen. taameer kay tamaam akhraajaat vaqt par muhayya karen taaki kaam na rukay. yah paisay shaahee khazaanay yaanee darya-ay-furaat kay maghribee ilaaqay say jama kiay gaay taikson men say ada kiay jaaen. 9roz-ba-roz imaamon ko bhasm honay vaalee qurbaaniyon kay liyay darkaar tamaam cheezen muhayya kartay rahen, khwaah vah javaan bail, mendhay, bhed kay bachchay, gandum, namak, mai ya zaitoon ka tel kyoon na maangen. is men sustee na karen 10taaki vah aasmaan kay khuda ko pasandeeda qurbaaniyaan pesh karkay shahenshaah aur us kay beton kee salaamatee kay liyay dua kar saken.
11is kay ilaava main hukm deta hoon ki jo bhee is farmaan kee khilaafvarzee karay us kay ghar say shaheteer nikaal kar khada kiya jaaay aur usay us par masloob kiya jaaay. saath saath us kay ghar ko malbay ka dher banaaya jaaay. 12jis khuda nay vahaan apna naam basaaya hai vah har baadshaah aur qaum ko halaak karay jo meray is hukm kee khilaafvarzee karkay yarooshalam kay ghar ko tabaah karnay kee jur’at karay. main, daara nay yah hukm diya hai. isay har tarah say poora kiya jaaay.”
rabb kay ghar kee makhsoosiyat
13darya-ay-furaat kay maghribee ilaaqay kay gavarnar tattnee, shatar-boznee aur un kay hamkhidmat afsaron nay har tarah say daara baadshaah kay hukm kee taameel kee. 14chunaanchay yahoodee buzurg rabb kay ghar par kaam jaaree rakh sakay. donon nabee hajjee aur zakariyaah bin iddoo apnee nubuvvaton say un kee hausalaaafzaaee kartay rahay, aur yoon saara kaam israaeel kay khuda aur faars kay baadshaahon khoras, daara aur artakhshasta kay hukm kay mutaabiq hee mukammal hua.
15rabb ka ghar daara baadshaah kee hukoomat kay chhatay saal men takmeel tak pahuncha. adaar kay maheenay ka teesra din [a] 12 maarch. tha. 16israaeeliyon nay imaamon, laaviyon aur jilaavatanee say vaapas aaay huay israaeeliyon samet badee khushee say rabb kay ghar kee makhsoosiyat kee eed manaaee. 17unhon nay 100 bail, 200 mendhay aur bhed kay 400 bachchay qurbaan kiay. pooray israaeel kay liyay gunaah kee qurbaanee bhee pesh kee gaee, aur is kay liyay fee qabeela ek bakra yaanee mil kar 12 bakray chadhaaay gaay. 18phir imaamon aur laaviyon ko rabb kay ghar kee khidmat kay mukhtalif gurohon men taqseem kiya gaya, jis tarah moosa kee shareeat hidaayat detee hai.
israaeelee fasah kee eed manaatay hain
19pahelay maheenay kay 14ven din [b] 21 aprail. jilaavatanee say vaapas aaay huay israaeeliyon nay fasah kee eed manaaee. 20tamaam imaamon aur laaviyon nay apnay aap ko paak-saaf kar rakha tha. sab kay sab paak thay. laaviyon nay fasah kay lelay jilaavatanee say vaapas aaay huay israaeeliyon, un kay bhaaiyon yaanee imaamon aur apnay liyay zabah kiay. 21lekin na sirf jilaavatanee say vaapas aaay huay israaeelee is khaanay men shareek huay balki mulk kay vah tamaam log bhee jo ghairyahoodee qaumon kee naapaak raahon say alag ho kar un kay saath rabb israaeel kay khuda kay taalib huay thay. 22unhon nay saat din badee khushee say bekhameeree rotee kee eed manaaee. rabb nay un kay dilon ko khushee say bhar diya tha, kyoonki us nay faars kay baadshaah ka dil un kee taraf maail kar diya tha taaki unhen israaeel kay khuda kay ghar ko taameer karnay men madad milay.