Hosea 2
1us vaqt apnay bhaaiyon ka naam ammee yaanee ‘meree qaum’ aur apnee bahenon ka naam ruhaama yaanee ‘jis par rahem kiya gaya ho’ rakho.
israaeel bevafa jumar kee maanind hai
2apnee maan israaeel par ilzaam lagaao, haan us par ilzaam lagaao! kyoonki na vah meree beevee hai, na main us ka shauhar hoon. vah apnay chiharay say aur apnee chhaatiyon kay darmiyaan say zinaakaaree kay nishaan door karay, 3varna main us kay kapday utaar kar usay us nangee haalat men chhodoonga jis men vah paida huee. main honay doonga ki vah registaan aur jhulastee zameen men tabdeel ho jaaay, ki vah piyaas kay maaray mar jaaay. 4main us kay bachchon par bhee rahem naheen karoonga, kyoonki vah zinaakaar bachchay hain. 5un kee maan nay zina kiya, unhen janm denay vaalee nay sharmanaak harkaten kee hain. vah bolee, ‘main apnay aashiqon kay peechhay bhaag jaaoongee. aakhir meree rotee, paanee, oon, kataan, tel aur peenay kee cheezen vahee muhayya kartay hain.’
6is liyay jahaan bhee vah chalna chaahay vahaan main usay kaantedaar jhaadiyon say rok doonga, main aisee deevaar khadee karoonga ki usay raastay ka pata na chalay. 7vah apnay aashiqon ka peechha kartay kartay thak jaaegee aur kabhee un tak pahunchegee naheen, vah un ka khoj lagaatee rahegee lekin unhen paaegee naheen. phir vah bolegee, ‘main apnay pahelay shauhar kay paas vaapas jaaoon, kyoonki us vaqt mera haal aaj kee nisbat kaheen behatar tha.’ 8lekin vah yah baat jaannay kay liyay tayyaar naheen ki usay allaah hee kee taraf say sab kuchh muhayya hua hai. main hee nay usay vah anaaj, mai, tel aur kasrat kee sona-chaandee day dee jo logon nay baal devta ko pesh kee. 9is liyay main apnay anaaj aur apnay angoor ko fasal kee kataaee say pahelay pahelay vaapas loonga. jo oon aur kataan main usay deta raha taaki us kee barahenagee nazar na aaay usay main us say chheen loonga. 10us kay aashiqon kay dekhtay dekhtay main us kay saaray kapday utaaroonga, aur koee usay meray haath say naheen bachaaega. 11main us kee tamaam khushiyaan band kar doonga. na koee eed, na naay chaand ka tahevaar, na sabat ka din ya baaqee koee muqarrara jashn manaaya jaaega. 12main us kay angoor aur anjeer kay baaghon ko tabaah karoonga, un cheezon ko jin kay baaray men us nay kaha, ‘yah mujhay aashiqon kee khidmat karnay kay ivz mil gaee hain.’ main yah baagh jangal bannay doonga, aur janglee jaanvar un ka phal khaaengay.
13rabb farmaata hai ki main usay un dinon kee saza doonga jab us nay baal kay buton ko bakhoor kee qurbaaniyaan pesh keen. us vaqt vah apnay aap ko baaliyon aur zevraat say saja kar apnay aashiqon kay peechhay bhaag gaee. mujhay vah bhool gaee.
allaah vafaadaar raheta hai
14chunaanchay ab main usay manaanay kee koshish karoonga, usay registaan men lay ja kar us say narmee say baat karoonga. 15phir main usay vahaan say ho kar us kay angoor kay baagh vaapas karoonga aur vaadee-ay-akoor [a] yaanee museebat kee vaadee. ko ummeed kay darvaazay men badal doonga. us vaqt vah khushee say meray peechhay ho kar vahaan chalegee, bilkul usee tarah jis tarah javaanee men kartee thee jab meray peechhay ho kar misr say nikal aaee.”
16rabb farmaata hai, “us din too mujhay pukaartay vaqt ‘ai meray baal’ [b] baal ka matlab maalik hai. naheen kahegee balki ‘ai meray khaavand.’ 17main baal devtaaon kay naam teray munh say nikaal doonga, aur too aainda un kay naamon ka zikr tak naheen karegee. 18us din main janglee jaanvaron, parindon aur rengnay vaalay jaandaaron kay saath ahd baandhoonga taaki vah israaeel ko nuqsaan na pahunchaaen. kamaan aur talvaar ko tod kar main jang ka khatra mulk say door kar doonga. sab aaraam-o-sukoon say zindagee guzaarengay.
19main teray saath abdee rishta baandhoonga, aisa rishta jo raastee, insaaf, fazl aur rahem par mabnee hoga. 20haan, jo rishta main teray saath baandhoonga us kee bunyaad vafaadaaree hogee. tab too rabb ko jaan legee.”
21rabb farmaata hai, “us din main sunoonga. main aasmaan kee sun kar baadal paida karoonga, aasmaan zameen kee sun kar baarish barasaaega, 22zameen anaaj, angoor aur zaitoon kee sun kar unhen taqviyat degee, aur yah cheezen maidaan-ay-yazrael [c] allaah beej bota hai. kee sun kar kasrat say paida ho jaaengee. 23us vaqt main apnee khaatir israaeel ka beej mulk men bo doonga. ‘loruhaama’ [d] jis par rahem na hua ho. par main rahem karoonga, aur ‘loammee’ [e] meree qaum naheen. say main kahoonga, ‘too meree qaum hai.’ javaab men vah bolegee, ‘too mera khuda hai’.”