Ayyoob 25

bildad : allaah kay saamnay koee raastbaaz naheen thaher saktaa

¹phir bildad sookhee nay javaab day kar kaha,

²“allaah kee hukoomat dahshatanaak hai. vahee apnee bulandiyon par salaamatee qaaim rakhta hai. ³kya koee us kay daston kee taadaad gin sakta hai? us ka noor kis par naheen chamakta? ⁴to phir insaan allaah kay saamnay kis tarah raastbaaz thaher sakta hai? jo aurat say paida hua vah kis tarah paak-saaf saabit ho sakta hai? ⁵us kee nazar men na chaand purnoor hai, na sitaaray paak hain. ⁶to phir insaan kis tarah paak thaher sakta hai jo keeda hee hai? aadamzaad to makoda hee hai.”