Amsaal 7
bevafa beevee
1meray betay, meray alfaaz kee pairvee kar, meray ahkaam apnay andar mahfooz rakh. 2meray ahkaam kay taabay rah to jeeta rahega. apnee aankh kee putlee kee tarah meree hidaayat kee hifaazat kar. 3unhen apnee unglee kay saath baandh, apnay dil kee takhtee par kanda kar. 4hikmat say kah, “too meree bahen hai,” aur samajh say, “too meree qareebee rishtedaar hai.” 5yahee tujhay zinaakaar aurat say mahfooz rakhengee, doosray kee us beevee say jo apnee chiknee-chupdee baaton say tujhay phuslaanay kee koshish kartee hai.
6ek din main nay apnay ghar kee khidkee [a] lafzee tarjuma : ghar kee khidkee kay janglay. men say baahar jhaankaa 7to kya dekhta hoon ki vahaan kuchh saadaalauh naujavaan khaday hain. un men say ek beaqal javaan nazar aaya. 8vah galee men say guzar kar zinaakaar aurat kay konay kee taraf tahelnay laga. chaltay chaltay vah us raastay par a gaya jo aurat kay ghar tak lay jaata hai. 9shaam ka dhundalka tha, din dhalnay aur raat ka andhera chhaanay laga tha. 10tab ek aurat kasbee ka libaas pahenay huay chaalaakee say us say milnay aaee. 11yah aurat itnee belagaam aur khudsar hai ki us kay paaon us kay ghar men naheen tiktay. 12kabhee vah galee men, kabhee chaukon men hotee hai, har konay par vah taak men baithee rahetee hai.
13ab us nay naujavaan ko pakad kar usay bosa diya. behaya nazar us par daal kar us nay kaha, 14“mujhay salaamatee kee qurbaaniyaan pesh karnee theen, aur aaj hee main nay apnee mannaten pooree keen. 15is liyay main nikal kar tujh say milnay aaee, main nay tera pata kiya aur ab too mujhay mil gaya hai. 16main nay apnay bistar par misr kay rangeen kambal bichhaaay, 17us par mur, ood aur daarcheenee kee khushboo chhidkee hai. 18aao, ham subah tak muhabbat ka piyaala tah tak pee len, ham ishqbaazee say lutf’andoz hon! 19kyoonki mera khaavand ghar men naheen hai, vah lambay safar kay liyay ravaana hua hai. 20vah batvay men paisay daal kar chala gaya hai aur pooray chaand tak vaapas naheen aaega.”
21aisee baaten kartay kartay aurat nay naujavaan ko targheeb day kar apnee chiknee-chupdee baaton say varghalaaya. 22naujavaan seedha us kay peechhay yoon ho liya jis tarah bail zabah honay kay liyay jaata ya hiran uchhal kar phanday men phans jaata hai. 23kyoonki ek vaqt aaega ki teer us ka dil cheer daalega. lekin filahaal us kee haalat us chidiya kee maanind hai jo ud kar jaal men a jaatee aur khayaal tak naheen kartee ki meree jaan khatray men hai.
24chunaanchay meray beto, meree suno, meray munh kee baaton par dhyaan do! 25tera dil bhatak kar us taraf rukh na karay jahaan zinaakaar aurat phirtee hai, aisa na ho ki too aavaara ho kar us kee raahon men ulajh jaaay. 26kyoonki un kee taadaad badee hai jinhen us nay gira kar maut kay ghaat utaara hai, us nay mut’addid logon ko maar daala hai. 27us ka ghar paataal ka raasta hai jo logon ko maut kee kothdiyon tak pahunchaata hai.