pahelee kitaab : 1-41

do raahen

¹mubaarak hai vah jo na bedeenon kay mashvray par chalta, na gunaahgaaron kee raah par qadam rakhta, aur na taanaazanon kay saath baithta hai

²balki rabb kee shareeat say lutf’andoz hota aur din raat usee par ghaur-o-khauz karta raheta hai.

³vah naheron kay kinaaray par lagay darakht kee maanind hai. vaqt par vah phal laata, aur us kay pattay naheen murjhaatay. jo kuchh bhee karay us men vah kaamyaab hai.

⁴bedeenon ka yah haal naheen hota. vah bhoosay kee maanind hain jisay hava uda lay jaatee hai.

⁵is liyay bedeen adaalat men qaaim naheen rahengay, aur gunaahgaar ka raastbaazon kee majlis men maqaam naheen hoga.

⁶kyoonki rabb raastbaazon kee raah kee paheraadaaree karta hai jabki bedeenon kee raah tabaah ho jaaegee.