Zaboor 113
allaah kee azmat aur meharbaanee
1rabb kee hamd ho! ai rabb kay khaadimo, rabb kay naam kee sitaaish karo, rabb kay naam kee taareef karo.
2rabb kay naam kee ab say abad tak tamjeed ho.
3tuloo-ay-subah say ghuroob-ay-aaftaab tak rabb kay naam kee hamd ho.
4rabb tamaam aqvaam say sarbuland hai, us ka jalaal aasmaan say azeem hai.
5kaun rabb hamaaray khuda kee maanind hai jo bulandiyon par takhtnasheen hai
6aur aasmaan-o-zameen ko dekhnay kay liyay neechay jhukta hai?
7pastahaal ko vah khaak men say utha kar paaon par khada karta, muhtaaj ko raakh say nikaal kar sarfaraaz karta hai.
8vah usay shurfa kay saath, apnee qaum kay shurfa kay saath bitha deta hai.
9baanjh ko vah aulaad ata karta hai taaki vah ghar men khushee say zindagee guzaar sakay. rabb kee hamd ho