Zaboor 120
tuhamat lagaanay vaalon say rihaaee kay liyay duaa
1ziyaarat ka geet.
museebat men main nay rabb ko pukaara, aur us nay meree sunee.
2ai rabb, meree jaan ko jhootay honton aur farebdih zabaan say bacha.
3ai farebdih zabaan, vah teray saath kiya karay, mazeed tujhay kya day?
4vah tujh par jangjoo kay tez teer aur dahektay koilay barsaaay!
5mujh par afsos! mujhay ajnabee mulk masak men, qeedaar kay khaimon kay paas rahena padta hai.
6itnee der say amn kay dushmanon kay paas rahenay say meree jaan tang a gaee hai.
7main to amn chaahata hoon, lekin jab kabhee boloon to vah jang karnay par tulay hotay hain.