Zaboor 121
insaan ka vafaadaar muhaafiz
1ziyaarat ka geet.
main apnee aankhon ko pahaadon kee taraf uthaata hoon. meree madad kahaan say aatee hai?
2meree madad rabb say aatee hai, jo aasmaan-o-zameen ka khaaliq hai.
3vah tera paaon phisalnay naheen dega. tera muhaafiz oonghnay ka naheen.
4yaqeenan israaeel ka muhaafiz na oonghta hai, na sota hai.
5rabb tera muhaafiz hai, rabb teray dahenay haath par saaybaan hai.
6na din ko sooraj, na raat ko chaand tujhay zarar pahunchaaega.
7rabb tujhay har nuqsaan say bachaaega, vah teree jaan ko mahfooz rakhega.
8rabb ab say abad tak teray aanay jaanay kee paheraadaaree karega.