Zaboor 124
museebat men allaah hamaara sahaara hai
1israaeel kahay, “agar rabb hamaaray saath na hota,
2agar rabb hamaaray saath na hota jab log hamaaray khilaaf uthe
3aur aag-bagoola ho kar apna poora ghussa ham par utaara, to vah hamen zinda hadap kar letay.
4phir sailaab ham par toot padta, nadee ka tez dhaara ham par ghaalib a jaataa
5aur mutlaatim paanee ham par say guzar jaata.”
6rabb kee hamd ho jis nay hamen un kay daanton kay havaalay na kiya, varna vah hamen phaad khaatay.
7hamaaree jaan us chidiya kee tarah chhoot gaee hai jo chideemaar kay phanday say nikal kar ud gaee hai. phanda toot gaya hai, aur ham bach niklay hain.
8rabb ka naam, haan usee ka naam hamaara sahaara hai jo aasmaan-o-zameen ka khaaliq hai.