Zaboor 127

allaah hee hamaara ghar taameer karta hai

¹sulemaan ka ziyaarat ka geet.

agar rabb ghar ko taameer na karay to us par kaam karnay vaalon kee mehanat abas hai. agar rabb shaher kee paheraadaaree na karay to insaanee paheredaaron kee nigahbaanee abas hai.

²yah bhee abas hai ki tum subah-saveray utho aur pooray din mehanat-mashaqqat kay saath rozee kama kar raat gaay so jaao. kyoonki jo allaah ko piyaaray hain unhen vah un kee zarooriyaat un kay sotay men pooree kar deta hai.

³bachchay aisee nemat hain jo ham meeraas men rabb say paatay hain, aulaad ek ajr hai jo vahee hamen deta hai.

⁴javaanee men paida huay betay soormay kay haath men teeron kee maanind hain.

⁵mubaarak hai vah aadmee jis ka tarkash un say bhara hai. jab vah shaher kay darvaazay par apnay dushmanon say jhagdega to sharminda naheen hoga.