Zaboor 14

bedeen kee hamaaqat

¹daaood ka zaboor. mooseeqee kay raahanuma kay liyay.

ahemaq dil men kaheta hai, “allaah hai hee naheen!” aisay log badachalan hain, un kee harkaten qaabil-ay-ghin hain. ek bhee naheen hai jo achchha kaam karay.

²rabb nay aasmaan say insaan par nazar daalee taaki dekhay ki kya koee samajhdaar hai? kya koee allaah ka taalib hai?

³afsos, sab saheeh raah say bhatak gaay, sab kay sab bigad gaay hain. koee naheen jo bhalaaee karta ho, ek bhee naheen.

⁴kya jo badee karkay meree qaum ko rotee kee tarah kha letay hain un men say ek ko bhee samajh naheen aatee? vah to rabb ko pukaartay hee naheen.

⁵tab un par sakht dahshat chha gaee, kyoonki allaah raastbaaz kee nasal kay saath hai.

⁶tum naachaar kay mansoobon ko khaak men milaana chaahatay ho, lekin rabb khud us kee panaahgaah hai.

⁷kaash koh-ay-siyyoon say israaeel kee najaat niklay! jab rabb apnee qaum ko bahaal karega to yaaqoob khushee kay naaray lagaaega, israaeel baagh baagh hoga.