Zaboor 146
allaah kee abdee vafaadaaree
1rabb kee hamd ho! ai meree jaan, rabb kee hamd kar.
2jeetay jee main rabb kee sitaaish karoonga, umr bhar apnay khuda kee madahsaraaee karoonga.
3shurfa par bharosa na rakho, na aadamzaad par jo najaat naheen day sakta.
4jab us kee rooh nikal jaaay to vah dubaara khaak men mil jaata hai, usee vaqt us kay mansoobay adhooray rah jaatay hain.
5mubaarak hai vah jis ka sahaara yaaqoob ka khuda hai, jo rabb apnay khuda kay intizaar men raheta hai.
6kyoonki us nay aasmaan-o-zameen, samundar aur jo kuchh un men hai banaaya hai. vah hamesha tak vafaadaar hai.
7vah mazloomon ka insaaf karta aur bhookon ko rotee khilaata hai. rabb qaidiyon ko aazaad karta hai.
8rabb andhon kee aankhen bahaal karta aur khaak men dabay huon ko utha khada karta hai, rabb raastbaaz ko piyaar karta hai.
9rabb pardesiyon kee dekh-bhaal karta, yateemon aur bevaaon ko qaaim rakhta hai. lekin vah bedeenon kee raah ko tedha bana kar kaamyaab honay naheen deta.
10rabb abad tak hukoomat karega. ai siyyoon, tera khuda pusht-dar-pusht baadshaah rahega. rabb kee hamd ho.