Zaboor 149
siyyoon rabb kee hamd karay!
1rabb kee hamd ho! rabb kee tamjeed men naya geet gaao, eemaandaaron kee jamaaat men us kee taareef karo.
2israaeel apnay khaaliq say khush ho, siyyoon kay farzand apnay baadshaah kee khushee manaaen.
3vah naach kar us kay naam kee sitaaish karen, daf aur sarod say us kee madahsaraaee karen.
4kyoonki rabb apnee qaum say khush hai. vah museebatazadon ko apnee najaat kee shaan-o-shaukat say aaraasta karta hai.
5eemaandaar is shaan-o-shaukat kay baais khushee manaaen, vah apnay bistaron par shaadmaanee kay naaray lagaaen.
6un kay munh men allaah kee hamd-o-sana aur un kay haathon men dodhaaree talvaar ho
7taaki deegar aqvaam say intiqaam len aur ummaton ko saza den.
8vah un kay baadshaahon ko zanjeeron men aur un kay shurfa ko bediyon men jakad lenge
9taaki unhen vah saza den jis ka faisla qalamband ho chuka hai. yah izzat allaah kay tamaam eemaandaaron ko haasil hai. rabb kee hamd ho