Zaboor 15
kaun allaah kay huzoor qaaim rah sakta hai?
1daaood ka zaboor.
ai rabb, kaun teray khaimay men thaher sakta hai? kis ko teray muqaddas pahaad par rahenay kee ijaazat hai?
2vah jis ka chaal-chalan begunaah hai, jo raastbaaz zindagee guzaar kar dil say sachch bolta hai.
3aisa shakhs apnee zabaan say kisee par tuhamat naheen lagaata. na vah apnay padosee par ziyaadtee karta, na us kee beizzatee karta hai.
4vah mardood ko haqeer jaanta lekin khudaataras kee izzat karta hai. jo vaada us nay qasam kha kar kiya usay poora karta hai, khwaah usay kitna hee nuqsaan kyoon na pahunchay.
5vah sood liyay baghair udhaar deta hai aur us kee rishvat qabool naheen karta jo begunaah ka haq maarna chaahata hai. aisa shakhs kabhee daanvaandol naheen hoga.