Zaboor 3
subah ko madad kay liyay duaa
1daaood ka zaboor. us vaqt jab usay apnay betay abeesloom say bhaagna pada.
ai rabb, meray dushman kitnay ziyaada hain, kitnay log meray khilaaf uth khaday huay hain!
2meray baaray men bahuteray kah rahay hain, “allaah isay chhutkaara naheen dega.” (silaah [a] silaah ghaaliban gaanay bajaanay kay baaray men koee hidaayat hai. mufassireen men is kay matlab kay baaray men ittifaaq-ay-raay naheen hotee. )
3lekin too ai rabb, chaaron taraf meree hifaazat karnay vaalee dhaal hai. too meree izzat hai jo meray sar ko uthaaay rakhta hai.
4main buland aavaaz say rabb ko pukaarta hoon, aur vah apnay muqaddas pahaad say meree sunta hai. (silaah)
5main aaraam say let kar so gaya, phir jaag utha, kyoonki rabb khud mujhay sambhaalay rakhta hai.
6un hazaaron say main naheen darta jo mujhay gheray rakhtay hain.
7ai rabb, uth! ai meray khuda, mujhay riha kar! kyoonki too nay meray tamaam dushmanon kay munh par thappad maara, too nay bedeenon kay daanton ko tod diya hai.
8rabb kay paas najaat hai. teree barkat teree qaum par aaay. (silaah