Zaboor 43

¹ai allaah, mera insaaf kar! meray liyay ghaireemaandaar qaum say lad, mujhay dhokebaaz aur shareer aadmiyon say bacha.

²kyoonki too meree panaah ka khuda hai. too nay mujhay kyoon radd kiya hai? main apnay dushman kay zulm kay baais kyoon maatmee libaas pahenay phiroon?

³apnee raushnee aur sachchaaee ko bhej taaki vah meree raahanumaaee karkay mujhay teray muqaddas pahaad aur teree sukoonatgaah kay paas pahunchaaen.

⁴tab main allaah kee qurbaangaah kay paas aaoonga, us khuda kay paas jo meree khushee aur farhat hai. ai allaah meray khuda, vahaan main sarod baja kar teree sitaaish karoonga.

⁵ai meree jaan, too gham kyoon kha rahee hai, bechainee say kyoon tadap rahee hai? allaah kay intizaar men rah, kyoonki main dubaara us kee sitaaish karoonga jo mera khuda hai aur meray dekhtay dekhtay mujhay najaat deta hai.