Zaboor 46
allaah hamaaree quvvat hai
1qorah kee aulaad ka zaboor. mooseeqee kay raahanuma kay liyay. geet ka tarz : kunvaariyaan.
allaah hamaaree panaahgaah aur quvvat hai. museebat kay vaqt vah hamaara mazboot sahaara saabit hua hai.
2is liyay ham khauf naheen khaaengay, go zameen laraz uthay aur pahaad jhoom kar samundar kee gaheraaiyon men gir jaaen,
3go samundar shor macha kar thaathen maaray aur pahaad us kee dahaadon say kaamp uthen. (silaah)
4darya kee shaakhen allaah kay shaher ko khush kartee hain, us shaher ko jo allaah t’aala kee muqaddas sukoonatgaah hai.
5allaah us kay beech men hai, is liyay shaher naheen dagmagaaega. subah-saveray hee allaah us kee madad karega.
6qaumen shor machaanay, saltanaten ladkhadaanay lageen. allaah nay aavaaz dee to zameen laraz uthee.
7rabb-ul-afwaaj hamaaray saath hai, yaaqoob ka khuda hamaara qil’a hai. (silaah)
8aao, rabb kay azeem kaamon par nazar daalo! usee nay zameen par haulnaak tabaahee naazil kee hai.
9vahee duniya kee intiha tak jangen rok deta, vahee kamaan ko tod deta, nezay ko tukday tukday karta aur dhaal ko jala deta hai.
10vah farmaata hai, “apnee harkaton say baaz aao! jaan lo ki main khuda hoon. main aqvaam men sarbuland aur duniya men sarfaraaz hoonga.”
11rabb-ul-afwaaj hamaaray saath hai. yaaqoob ka khuda hamaara qil’a hai. (silaah