Zaboor 48
allaah ka shaher yarooshalam
1geet. qorah kee aulaad ka zaboor.
rabb azeem aur badee taareef kay laaiq hai. us ka muqaddas pahaad hamaaray khuda kay shaher men hai.
2koh-ay-siyyoon kee bulandee khoobsoorat hai, pooree duniya us say khush hotee hai. koh-ay-siyyoon doortareen shimaal ka ilaahee pahaad hee hai, vah azeem baadshaah ka shaher hai.
3allaah us kay mahelon men hai, vah us kee panaahgaah saabit hua hai.
4kyoonki dekho, baadshaah jama ho kar yarooshalam say ladnay aaay.
5lekin usay dekhtay hee vah hairaan huay, vah dahshat kha kar bhaag gaay.
6vahaan un par kapkapee taaree huee, aur vah dard-ay-zah men mubtala aurat kee tarah pech-o-taab khaanay lagay.
7jis tarah mashriqee aandhee tarsees kay shaandaar jahaazon ko tukday tukday kar detee hai usee tarah too nay unhen tabaah kar diya.
8jo kuchh ham nay suna hai vah hamaaray dekhtay dekhtay rabb-ul-afwaaj hamaaray khuda kay shaher par saadiq aaya hai, allaah usay abad tak qaaim rakhega. (silaah)
9ai allaah, ham nay teree sukoonatgaah men teree shafqat par ghaur-o-khauz kiya hai.
10ai allaah, tera naam is laaiq hai ki teree taareef duniya kee intiha tak kee jaaay. tera dahena haath raastee say bhara raheta hai.
11koh-ay-siyyoon shaadmaan ho, yahoodaah kee betiyaan [a] yahaan yahoodaah kee betiyon say muraad us kay shaher bhee ho saktay hain. teray munsifaana faislon kay baais khushee manaaen.
12siyyoon kay ird-gird ghoomo phiro, us kee faseel kay saath saath chal kar us kay burj gin lo.
13us kee qil’aabandee par khoob dhyaan do, us kay mahelon ka muaaina karo taaki aanay vaalee nasal ko sab kuchh suna sako.
14yaqeenan allaah hamaara khuda hamesha tak aisa hee hai. vah abad tak hamaaree raahanumaaee karega.