Zaboor 52
zulm kay baavujood tasallee
1daaood ka zaboor. mooseeqee kay raahanuma kay liyay. hikmat ka yah geet us vaqt say mutaalliq hai jab doeg adomee saaool baadshaah kay paas gaya aur usay bataaya, “daaood akheemlik imaam kay ghar men gaya hai.”
ai soormay, too apnee badee par kyoon fakhar karta hai? allaah kee shafqat din bhar qaaim rahetee hai.
2ai dhokebaaz, teree zabaan tez ustaray kee tarah chaltee huee tabaahee kay mansoobay baandhtee hai.
3tujhay bhalaaee kee nisbat buraaee ziyaada piyaaree hai, sachch bolnay kee nisbat jhoot ziyaada pasand hai. (silaah)
4ai farebdih zabaan, too har tabaahakun baat say piyaar kartee hai.
5lekin allaah tujhay hamesha kay liyay khaak men milaaega. vah tujhay maar maar kar teray khaimay say nikaal dega, tujhay jad say ukhaad kar zindon kay mulk say khaarij kar dega. (silaah)
6raastbaaz yah dekh kar khauf khaaengay. vah us par hans kar kahengay,
7“lo, yah vah aadmee hai jis nay allaah men panaah na lee balki apnee badee daulat par etimaad kiya, jo apnay tabaahakun mansoobon say taaqatvar ho gaya tha.”
8lekin main allaah kay ghar men zaitoon kay phaltay phooltay darakht kee maanind hoon. main hamesha kay liyay allaah kee shafqat par bharosa rakhoonga.
9main abad tak us kay liyay teree sitaaish karoonga jo too nay kiya hai. main teray eemaandaaron kay saamnay hee teray naam kay intizaar men rahoonga, kyoonki vah bhala hai.