Zaboor 53

bedeen kee hamaaqat

¹daaood ka zaboor. mooseeqee kay raahanuma kay liyay. hikmat ka geet. tarz : mahelat.

ahemaq dil men kaheta hai, “allaah hai hee naheen!” aisay log badachalan hain, un kee harkaten qaabil-ay-ghin hain. ek bhee naheen hai jo achchha kaam karay.

²allaah nay aasmaan say insaan par nazar daalee taaki dekhay ki kya koee samajhdaar hai? kya koee allaah ka taalib hai?

³afsos, sab saheeh raah say bhatak gaay, sab kay sab bigad gaay hain. koee naheen jo bhalaaee karta ho, ek bhee naheen.

⁴kya jo badee karkay meree qaum ko rotee kee tarah kha letay hain unhen samajh naheen aatee? vah to allaah ko pukaartay hee naheen.

⁵tab un par sakht dahshat vahaan chha gaee jahaan pahelay dahshat ka sabab naheen tha. jinhon nay tujhay gher rakha tha allaah nay un kee haddiyaan bikher deen. too nay un ko rusva kiya, kyoonki allaah nay unhen radd kiya hai.

⁶kaash koh-ay-siyyoon say israaeel kee najaat niklay! jab rabb apnee qaum ko bahaal karega to yaaqoob khushee kay naaray lagaaega, israaeel baagh baagh hoga.