Zaboor 54
khatray men phansay huay shakhs kee iltijaa
1daaood ka zaboor. hikmat ka yah geet taardaar saazon kay saath gaana hai. yah us vaqt say mutaalliq hai jab zeef kay baashindon nay saaool kay paas ja kar kaha, “daaood hamaaray paas chhupa hua hai.”
ai allaah, apnay naam kay zareeay say mujhay chhutkaara day! apnee qudrat kay zareeay say mera insaaf kar!
2ai allaah, meree iltija sun, meray munh kay alfaaz par dhyaan day.
3kyoonki pardesee meray khilaaf uth khaday huay hain, zaalim jo allaah ka lihaaz naheen kartay meree jaan lenay kay darpai hain. (silaah)
4lekin allaah mera sahaara hai, rabb meree zindagee qaaim rakhta hai.
5vah meray dushmanon kee sharaarat un par vaapas laaega. chunaanchay apnee vafaadaaree dikha kar unhen tabaah kar day!
6main tujhay razaakaaraana qurbaanee pesh karoonga. ai rabb, main teray naam kee sitaaish karoonga, kyoonki vah bhala hai.
7kyoonki us nay mujhay saaree museebat say rihaaee dee, aur ab main apnay dushmanon kee shikast dekh kar khush hoonga.