Zaboor 60
mardood qaum kee duaa
1daaood ka zaboor. tarz : ahd ka sosan. taaleem kay liyay yah sunahera geet us vaqt say mutaalliq hai jab daaood nay masoputaamiya kay araamiyon aur zobaah kay araamiyon say jang kee. vaapsee par yoaab nay namak kee vaadee men 12,000 adomiyon ko maar daala.
ai allaah, too nay hamen radd kiya, hamaaree qil’aabandee men rakhna daal diya hai. lekin ab apnay ghazab say baaz a kar hamen bahaal kar.
2too nay zameen ko aisay jhatkay diay ki us men daraaden pad gaeen. ab us kay shigaafon ko shifa day, kyoonki vah abhee tak tharathra rahee hai.
3too nay apnee qaum ko talkh tajribon say dochaar honay diya, hamen aisee tez mai pila dee ki ham dagmagaanay lagay hain.
4lekin jo tera khauf maantay hain un kay liyay too nay jhanda gaad diya jis kay ird-gird vah jama ho kar teeron say panaah lay saktay hain. (silaah)
5apnay dahenay haath say madad karkay meree sun taaki jo tujhay piyaaray hain vah najaat paaen.
6allaah nay apnay maqdis men farmaaya hai, “main fatah manaatay huay sikam ko taqseem karoonga aur vaadee-ay-sukkaat ko naap kar baant doonga.
7jiliaad mera hai aur manassee mera hai. ifraaeem mera khod aur yahoodaah mera shaahee asa hai.
8moaab mera ghusal ka bartan hai, aur adom par main apna joota phaink doonga. ai filistee mulk, mujhay dekh kar zordaar naaray laga!”
9kaun mujhay qil’aaband shaher men laaega? kaun meree raahanumaaee karkay mujhay adom tak pahunchaaega?
10ai allaah, too hee yah kar sakta hai, go too nay hamen radd kiya hai. ai allaah, too hamaaree faujon ka saath naheen deta jab vah ladnay kay liyay nikaltee hain.
11museebat men hamen sahaara day, kyoonki is vaqt insaanee madad bekaar hai.
12allaah kay saath ham zabardast kaam karengay, kyoonki vahee hamaaray dushmanon ko kuchal dega.