Zaboor 76
allaah munsif hai
1aasaf ka zaboor. mooseeqee kay raahanuma kay liyay. taardaar saazon kay saath gaana hai.
allaah yahoodaah men mashhoor hai, us ka naam israaeel men azeem hai.
2us nay apnee maand saalim [a] saalim say muraad yarooshalam hai. men aur apna bhat koh-ay-siyyoon par bana liya hai.
3vahaan us nay jaltay huay teeron ko tod daala aur dhaal, talvaar aur jang kay hathiyaaron ko choor choor kar diya hai. (silaah)
4ai allaah, too darakhshaan hai, too shikaar kay pahaadon say aaya hua azeemu-shshaan soorma hai.
5bahaaduron ko loot liya gaya hai, vah maut kee neend so gaay hain. faujiyon men say ek bhee haath naheen utha sakta.
6ai yaaqoob kay khuda, teray daantnay par ghoday aur rathbaan behiss-o-harkat ho gaay hain.
7too hee maheeb hai. jab too jhidkay to kaun teray huzoor qaaim rahega?
8too nay aasmaan say faislay ka elaan kiya. zameen sahem kar chup ho gaee
9jab allaah adaalat karnay kay liyay utha, jab vah tamaam museebatazadon ko najaat denay kay liyay aaya. (silaah)
10kyoonki insaan ka taish bhee teree tamjeed ka baais hai. us kay taish ka aakhiree nateeja tera jalaal hee hai [b] lafzee tarjuma : too bachay huay taish say kamarbasta ho jaata hai. .
11rabb apnay khuda kay huzoor mannaten maan kar unhen poora karo. jitnay bhee us kay ird-gird hain vah purjalaal khuda kay huzoor hadiay laaen.
12vah hukmaraanon ko shikasta rooh kar deta hai, usee say duniya kay baadshaah dahshat khaatay hain.