Zaboor 87
siyyoon aqvaam kee maan hai
1qorah kee aulaad ka zaboor. geet.
us kee bunyaad muqaddas pahaadon par rakhee gaee hai.
2rabb siyyoon kay darvaazon ko yaaqoob kee deegar aabaadiyon say kaheen ziyaada piyaar karta hai.
3ai allaah kay shaher, teray baaray men shaandaar baaten sunaaee jaatee hain. (silaah)
4rabb farmaata hai, “main misr aur baabal ko un logon men shumaar karoonga jo mujhay jaantay hain.” philistiya, soor aur ethopiya kay baaray men bhee kaha jaaega, “in kee paidaaish yaheen huee hai.”
5lekin siyyoon kay baaray men kaha jaaega, “har ek baashinda us men paida hua hai. allaah t’aala khud usay qaaim rakhega.”
6jab rabb aqvaam ko kitaab men darj karega to vah saath saath yah bhee likhega, “yah siyyoon men paida huee hain.” (silaah)
7aur log naachtay huay gaaengay, “meray tamaam chashmay tujh men hain.”