Zaboor 93
allaah abdee baadshaah hai
1rabb baadshaah hai, vah jalaal say mulabbas hai. rabb jalaal say mulabbas aur qudrat say kamarbasta hai. yaqeenan duniya mazboot bunyaad par qaaim hai, aur vah naheen dagmagaaegee.
2tera takht qadeem zamaanay say qaaim hai, too azal say maujood hai.
3ai rabb, sailaab garaj uthay, sailaab shor macha kar garaj uthay, sailaab thaathen maar kar garaj uthay.
4lekin ek hai jo gaheray paanee kay shor say ziyaada zoraavar, jo samundar kee thaathon say ziyaada taaqatvar hai. rabb jo bulandiyon par raheta hai kaheen ziyaada azeem hai.
5ai rabb, teray ahkaam har tarah say qaabil-ay-etimaad hain. tera ghar hamesha tak quddoosiyat say aaraasta rahega.