1 Tavārīḵẖ 24

ḵẖidmat ke liye imāmoṅ ke guroh

¹hārūn kī aulād ko bhī muḵẖtalif gurohoṅ meṅ taqsīm kiyā gayā. hārūn ke chār beṭe nadab, abīhū, ilīazar aur itmar the. ²nadab aur abīhū apne bāp se pahale mar gae, aur un ke beṭe nahīṅ the. ilīazar aur itmar imām ban gae. ³dāūd ne imāmoṅ ko ḵẖidmat ke muḵẖtalif gurohoṅ meṅ taqsīm kiyā. sadoq aur aḵẖīmlik ne is meṅ dāūd kī madad kī (sadoq ilīazar kī aulād meṅ se aur aḵẖīmlik itmar kī aulād meṅ se thā). ⁴ilīazar kī aulād ko 16 gurohoṅ meṅ aur itmar kī aulād ko 8 gurohoṅ meṅ taqsīm kiyā gayā, kyūṅki ilīazar kī aulād ke itne hī ziyādā ḵẖāndānī sarparast the. ⁵tamām zimmādāriyāṅ qur’ā ḍāl kar in muḵẖtalif gurohoṅ meṅ taqsīm kī gaīṅ, kyūṅki ilīazar aur itmar donoṅ ḵẖāndānoṅ ke bahut sāre aise afsar the jo pahale se maqdis meṅ rabb kī ḵẖidmat karte the.

⁶yah zimmādāriyāṅ taqsīm karne ke liye ilīazar aur itmar kī aulād bārī bārī qur’ā ḍālte rahe. qur’ā ḍālte vaqt bādshāh, isrāīl ke buzurg, sadoq imām, aḵẖīmlik bin abiyātar aur imāmoṅ aur lāviyoṅ ke ḵẖāndānī sarparast hāzir the. mīramunshī samāyāh bin natanīel ne jo ḵẖud lāvī thā ḵẖidmat ke in gurohoṅ kī faharist zail kī tartīb se likh lī jis tarah vah qur’ā ḍālne se muqarrar kie gae,

⁷1. yahūyarīb,

2. yadāyāh,

⁸3. hārim,

4. saūrīm,

⁹5. malkiyāh,

6. miyāmīn,

¹⁰7. haqqūz,

8. abiyāh,

¹¹9. yashūa,

10. sakaniyāh,

¹²11. iliyāsib,

12. yaqīm,

¹³13. ḵẖuffāh,

14. yasbiāb,

¹⁴15. biljā,

16. immer,

¹⁵17. ḵẖazīr,

18. fizzīz,

¹⁶19. fatahiyāh,

20. yahizqel,

¹⁷21. yakīn,

22. jamūl,

¹⁸23. dilāyāh,

24. māziyāh.

¹⁹imāmoṅ ko isī tartīb ke mutābiq rabb ke ghar meṅ ā kar apnī ḵẖidmat sar’anjām denī thī, un hidāyāt ke mutābiq jo rabb isrāīl ke ḵẖudā ne unheṅ un ke bāp hārūn kī mārifat dī thīṅ.

ḵẖidmat ke liye lāviyoṅ ke mazīd guroh

²⁰zail ke lāviyoṅ ke mazīd ḵẖāndānī sarparast haiṅ :

amrām kī aulād meṅ se sūbāel,

sūbāel kī aulād meṅ se yahadiyāh

²¹rahabiyāh kī aulād meṅ se yissiyāh sarparast thā,

²²izhār kī aulād meṅ se salūmīt,

salūmīt kī aulād meṅ se yahat,

²³habrūn kī aulād meṅ se baṛe se le kar chhoṭe tak yariyāh, amariyāh, yahazīel aur yaqamiām,

²⁴uzzīel kī aulād meṅ se mīkāh,

mīkāh kī aulād meṅ se samīr,

²⁵mīkāh kā bhāī yissiyāh,

yissiyāh kī aulād meṅ se zakariyāh,

²⁶mirārī kī aulād meṅ se mahalī aur mūshī,

us ke beṭe yāziyāh kī aulād,

²⁷mirārī ke beṭe yāziyāh kī aulād meṅ se sūham, zakkūr aur ibrī,

^28-29 mahalī kī aulād meṅ se ilīazar aur qīs. ilīazar beaulād thā jabki qīs ke hāṅ yarahamiel paidā huā.

³⁰mūshī kī aulād meṅ se mahalī, idar aur yarīmot bhī lāviyoṅ ke in mazīd ḵẖāndānī sarparastoṅ meṅ shāmil the.

³¹imāmoṅ kī tarah un kī zimmādāriyāṅ bhī qur’ā-andāzī se muqarrar kī gaīṅ. is silsile meṅ sab se chhoṭe bhāī ke ḵẖāndān ke sāth aur sab se baṛe bhāī ke ḵẖāndān ke sāth sulūk barābar thā. is kār-ravāī ke liye bhī dāūd bādshāh, sadoq, aḵẖīmlik aur imāmoṅ aur lāviyoṅ ke ḵẖāndānī sarparast hāzir the.