1 Tavārīḵẖ 25

rabb ke ghar meṅ mūsīqāroṅ ke guroh

¹dāūd ne fauj ke ālā afsaroṅ ke sāth āsaf, haimān aur yadūtūn kī aulād ko ek ḵẖās ḵẖidmat ke liye alag kar diyā. unheṅ nubuvvat kī rūh meṅ sarod, sitār aur jhāṅjh bajānā thā. zail ke ādmiyoṅ ko muqarrar kiyā gayā :

²āsaf ke ḵẖāndān se āsaf ke beṭe zakkūr, yūsuf, nataniyāh aur asarelāh. un kā bāp guroh kā rāhanumā thā, aur vah bādshāh kī hidāyāt ke mutābiq nubuvvat kī rūh meṅ sāz bajātā thā.

³yadūtūn ke ḵẖāndān se yadūtūn ke beṭe jidaliyāh, zarī, yasāyāh, simaī, hasabiyāh, aur mattitiyāh. un kā bāp guroh kā rāhanumā thā, aur vah nubuvvat kī rūh meṅ rabb kī hamd-o-sanā karte hue sitār bajātā thā.

⁴haimān ke ḵẖāndān se haimān ke beṭe buqqiyāh, mattaniyāh, uzzīel, sabūel, yarīmot, hananiyāh, hanānī, iliyātā, jiddāltī, rūmamtī-azar, yasbiqāshā, mallūtī, hautīr aur mahāziyot. ⁵in sab kā bāp haimān dāūd bādshāh kā ġaibbīn thā. allāh ne haimān se vādā kiyā thā ki maiṅ terī tāqat baṛhā dūṅgā, is liye us ne use 14 beṭe aur tīn beṭiyāṅ atā kī thīṅ.

⁶yah sab apne apne bāp yānī āsaf, yadūtūn aur haimān kī rāhanumāī meṅ sāz bajāte the. jab kabhī rabb ke ghar meṅ gīt gāe jāte the to yah mūsīqār sāth sāth jhāṅjh, sitār aur sarod bajāte the. vah apnī ḵẖidmat bādshāh kī hidāyāt ke mutābiq sar’anjām dete the. ⁷apne bhāiyoṅ samet jo rabb kī tāzīm meṅ gīt gāte the un kī kul tādād 288 thī. sab ke sab māhir the. ⁸un kī muḵẖtalif zimmādāriyāṅ bhī kar’ā ke zarīe muqarrar kī gaīṅ. is meṅ sab ke sāth sulūk ek jaisā thā, ḵẖwāh javān the yā būṛhe, ḵẖwāh ustād the yā shāgird.

⁹qur’ā ḍāl kar 24 gurohoṅ ko muqarrar kiyā gayā. har guroh ke bārah bārah ādmī the. yūṅ zail ke ādmiyoṅ ke gurohoṅ ne tashkīl pāī :

1. āsaf ke ḵẖāndān kā yūsuf,

2. jidaliyāh,

¹⁰3. zakkūr,

¹¹4. zarī,

¹²5. nataniyāh,

¹³6. buqqiyāh,

¹⁴7. yasarelāh,

¹⁵8. yasāyāh,

¹⁶9. mattaniyāh,

¹⁷10. simaī,

¹⁸11. azrel,

¹⁹12. hasabiyāh,

²⁰13. sūbāel,

²¹14. mattitiyāh,

²²15. yarīmot,

²³16. hananiyāh,

²⁴17. yasbiqāshā,

²⁵18. hanānī,

²⁶19. mallūtī,

²⁷20. iliyātā,

²⁸21. hautīr,

²⁹22. jiddāltī,

³⁰23. mahāziyot,

³¹24. rūmamtī-azar.

har guroh meṅ rāhanumā ke beṭe aur kuchh rishtedār shāmil the.