Āstar 10

mardkī apnī qaum kā sahārā banā rahatā hai

¹bādshāh ne pūrī saltanat ke tamām mamālik par sāhilī ilāqoṅ tak ṭaiks lagāyā. ²us kī tamām zabardast kāmyābiyoṅ kā bayān ‘shāhān-e-mādī-o-fārs kī tārīḵẖ’ kī kitāb meṅ kiyā gayā hai. vahāṅ is kā bhī pūrā zikr hai ki us ne mardkī ko kis ūṅche uhde par fāiz kiyā thā. ³mardkī bādshāh ke bād saltanat kā sab se ālā afsar thā. yahūdiyoṅ meṅ vah muazzaz thā, aur vah us kī baṛī qadar karte the, kyūṅki vah apnī qaum kī bahabūdī kā tālib rahatā aur tamām yahūdiyoṅ ke haq meṅ bāt kartā thā.