Ayyūb 25

bildad : allāh ke sāmne koī rāstbāz nahīṅ ṭhahar saktā

¹phir bildad sūḵẖī ne javāb de kar kahā,

²“allāh kī hukūmat dahshatanāk hai. vahī apnī bulandiyoṅ par salāmatī qāim rakhtā hai. ³kyā koī us ke dastoṅ kī tādād gin saktā hai? us kā nūr kis par nahīṅ chamaktā? ⁴to phir insān allāh ke sāmne kis tarah rāstbāz ṭhahar saktā hai? jo aurat se paidā huā vah kis tarah pāk-sāf sābit ho saktā hai? ⁵us kī nazar meṅ na chāṅd purnūr hai, na sitāre pāk haiṅ. ⁶to phir insān kis tarah pāk ṭhahar saktā hai jo kīṛā hī hai? ādamzād to makoṛā hī hai.”