Yūnus 2
yūnus kī duā
1machhlī ke peṭ meṅ yūnus ne rabb apne ḵẖudā se zail kī duā kī,
2“maiṅ ne baṛī musībat meṅ ā kar rabb se iltijā kī, aur us ne mujhe javāb diyā. maiṅ ne pātāl kī gaharāiyoṅ se chīḵẖ kar faryād kī to tū ne merī sunī.
3tū ne mujhe gahare pānī balki samundar ke bīch meṅ hī phaiṅk diyā. pānī ke zordār bahāo ne mujhe gher liyā, terī tamām lahareṅ aur maujeṅ mujh par se guzar gaīṅ.
4tab maiṅ bolā, ‘mujhe tere huzūr se ḵẖārij kar diyā gayā hai, lekin maiṅ tere muqaddas ghar kī taraf taktā rahūṅgā.’
5pānī mere gale tak pahuṅch gayā, samundar kī gaharāiyoṅ ne mujhe chhupā liyā. mere sar se samundarī paude lipaṭ gae.
6pānī meṅ utarte utarte maiṅ pahāṛoṅ kī bunyādoṅ tak pahuṅch gayā. maiṅ zamīn meṅ dhaṅs kar ek aise mulk meṅ ā gayā jis ke darvāze hameshā ke liye mere pīchhe band ho gae. lekin ai rabb, mere ḵẖudā, tū hī merī jān ko gaṛhe se nikāl lāyā!
7jab merī jān nikalne lagī to tū, ai rabb mujhe yād āyā, aur merī duā tere muqaddas ghar meṅ tere huzūr pahuṅchī.
8jo butoṅ kī pūjā karte haiṅ unhoṅ ne allāh se vafādār rahane kā vādā toṛ diyā hai.
9lekin maiṅ shukrguzārī ke gīt gāte hue tujhe qurbānī pesh karūṅgā. jo mannat maiṅ ne mānī use pūrā karūṅgā. rabb hī najāt detā hai.”
10tab rabb ne machhlī ko hukm diyā ki vah yūnus ko ḵẖushkī par ugal de.