Nahamiyāh 7

¹fasīl kī takmīl par maiṅ ne darvāzoṅ ke kivāṛ lagvāe. phir rabb ke ghar ke darbān, gulūkār aur ḵẖidmatguzār lāvī muqarrar kie gae. ²maiṅ ne do ādmiyoṅ ko yarūshalam ke hukmarān banāyā. ek merā bhāī hanānī aur dūsrā qilae kā kamāṅḍar hananiyāh thā. hananiyāh ko maiṅ ne is liye chun liyā ki vah vafādār thā aur aksar logoṅ kī nisbat allāh kā ziyādā ḵẖauf māntā thā. ³maiṅ ne donoṅ se kahā, “yarūshalam ke darvāze dopahar ke vaqt jab dhūp kī shiddat hai khule na raheṅ, aur paharā dete vaqt bhī unheṅ band karke kuṅḍe lagāeṅ. yarūshalam ke ādmiyoṅ ko paharādārī ke liye muqarrar kareṅ jin meṅ se kuchh fasīl par aur kuchh apne gharoṅ ke sāmne hī paharā deṅ.”

jilāvatanī se vāpas āe huoṅ kī faharist

⁴go yarūshalam shahar baṛā aur vasī thā, lekin us meṅ ābādī thoṛī thī. ḍhāe gae makān ab tak dubārā tāmīr nahīṅ hue the. ⁵chunāṅche mere ḵẖudā ne mere dil ko shurfā, afsaroṅ aur avām ko ikaṭṭhā karne kī taharīk dī tāki ḵẖāndānoṅ kī rajisṭrī tayyār karūṅ. is silsile meṅ mujhe ek kitāb mil gaī jis meṅ un logoṅ kī faharist darj thī jo ham se pahale jilāvatanī se vāpas āe the. us meṅ likhā thā,

⁶“zail meṅ yahūdāh ke un logoṅ kī faharist hai jo jilāvatanī se vāpas āe. bābal kā bādshāh nabūkadnazzar unheṅ qaid karke bābal le gayā thā, lekin ab vah yarūshalam aur yahūdāh ke un shaharoṅ meṅ phir jā base jahāṅ pahale rahate the.

⁷un ke rāhanumā zarubbābal, yashūa, nahamiyāh, azariyāh, rāmiyāh, nahamānī, mardkī, bilshān, misfarat, bigvaī, nahūm aur bānā the.

zail kī faharist meṅ vāpas āe hue ḵẖāndānoṅ ke mard bayān kie gae haiṅ.

⁸paraūs kā ḵẖāndān : 2,172,

⁹safatiyāh kā ḵẖāndān : 372,

¹⁰araḵẖ kā ḵẖāndān : 652,

¹¹paḵẖat-moāb kā ḵẖāndān yānī yashūa aur yoāb kī aulād : 2,818,

¹²ailām kā ḵẖāndān : 1,254,

¹³zattū kā ḵẖāndān : 845,

¹⁴zakkī kā ḵẖāndān : 760,

¹⁵binnūī kā ḵẖāndān : 648,

¹⁶babī kā ḵẖāndān : 628,

¹⁷azjād kā ḵẖāndān : 2,322,

¹⁸adūniqām kā ḵẖāndān : 667,

¹⁹bigvaī kā ḵẖāndān : 2,067,

²⁰adīn kā ḵẖāndān : 655,

²¹atīr kā ḵẖāndān yānī hizaqiyāh kī aulād : 98,

²²hāshūm kā ḵẖāndān : 328,

²³bazī kā ḵẖāndān : 324,

²⁴ḵẖārif kā ḵẖāndān : 112,

²⁵jibaūn kā ḵẖāndān : 95,

²⁶bait-laham aur natūfā ke bāshinde : 188,

²⁷antot ke bāshinde : 128,

²⁸bait-azmāvat ke bāshinde : 42,

²⁹qiryat-yārīm, kafīrā aur bairot ke bāshinde : 743,

³⁰rāmā aur jibā ke bāshinde : 621,

³¹mikmās ke bāshinde : 122,

³²bait-el aur aī ke bāshinde : 123,

³³dūsre nabū ke bāshinde : 52,

³⁴dūsre ailām ke bāshinde : 1,254,

³⁵hārim ke bāshinde : 320,

³⁶yarīhū ke bāshinde : 345,

³⁷lūd, hādīd aur onū ke bāshinde : 721,

³⁸sanāāh ke bāshinde : 3,930,

³⁹zail ke imām jilāvatanī se vāpas āe.

yadāyāh kā ḵẖāndān jo yashūa kī nasal kā thā : 973,

⁴⁰immer kā ḵẖāndān : 1,052,

⁴¹fashhūr kā ḵẖāndān : 1,247,

⁴²hārim kā ḵẖāndān : 1,017,

⁴³zail ke lāvī jilāvatanī se vāpas āe.

yashūa aur qadamīel kā ḵẖāndān yānī hūdāviyāh kī aulād : 74,

⁴⁴gulūkār : āsaf ke ḵẖāndān ke 148 ādmī,

⁴⁵rabb ke ghar ke darbān : sallūm, atīr, talmūn, aqqūb, ḵẖatītā aur sobī ke ḵẖāndānoṅ ke 138 ādmī.

⁴⁶rabb ke ghar ke ḵẖidmatgāroṅ ke darj-e-zail ḵẖāndān jilāvatanī se vāpas āe.

zīhā, hasūfā, tabbāot, ⁴⁷qarūs, sīā, fadūn, ⁴⁸libānā, hajābā, shalmī, ⁴⁹hanān, jiddel, jahar, ⁵⁰riyāyāh, razīn, naqūdā, ⁵¹jazzām, uzzā, fāsih, ⁵²basī, maūnīm, nafūsīm, ⁵³baqbūq, haqūfā, harhūr, ⁵⁴bazlūt, mahīdā, harshā, ⁵⁵barqūs, sīsrā, tāmah, ⁵⁶naziyāh aur ḵẖatīfā.

⁵⁷sulemān ke ḵẖādimoṅ ke darj-e-zail ḵẖāndān jilāvatanī se vāpas āe.

sūtī, sūfirat, farūdā, ⁵⁸yālā, darqūn, jiddel, ⁵⁹safatiyāh, ḵẖattīl, fūkirat-zabāim aur amūn.

⁶⁰rabb ke ghar ke ḵẖidmatgāroṅ aur sulemān ke ḵẖādimoṅ ke ḵẖāndānoṅ meṅ se vāpas āe hue mardoṅ kī tādād 392 thī.

^61-62 vāpas āe hue ḵẖāndānoṅ meṅ se dilāyāh, tūbiyāh aur naqūdā ke 642 mard sābit na kar sake ki isrāīl kī aulād haiṅ, go vah tal-milah, tal-harshā, karūb, addūn aur immer ke rahane vāle the.

^63-64 habāyāh, haqqūz aur barzillī ke ḵẖāndānoṅ ke kuchh imām bhī vāpas āe, lekin unheṅ rabb ke ghar meṅ ḵẖidmat karne kī ijāzat na milī. kyūṅki go unhoṅ ne nasbanāme meṅ apne nām talāsh kie lekin un kā kahīṅ zikr na milā, is liye unheṅ nāpāk qarār diyā gayā. (barzillī ke ḵẖāndān ke bānī ne barzillī jiliādī kī beṭī se shādī karke apne susar kā nām apnā liyā thā.) ⁶⁵yahūdāh ke gavarnar ne hukm diyā ki in tīn ḵẖāndānoṅ ke imām filahāl qurbāniyoṅ kā vah hissā khāne meṅ sharīk na hoṅ jo imāmoṅ ke liye muqarrar hai. jab dubārā imām-e-āzam muqarrar kiyā jāe to vahī ūrīm aur tummīm nāmī qur’ā ḍāl kar muāmalā hal kare.

⁶⁶kul 42,360 isrāīlī apne vatan lauṭ āe, ⁶⁷nīz un ke 7,337 ġulām aur lauṅḍiyāṅ aur 245 gulūkār jin meṅ mard-o-ḵẖavātīn shāmil the.

⁶⁸isrāīliyoṅ ke pās 736 ghoṛe, 245 ḵẖacchar, ⁶⁹435 ūṅṭ aur 6,720 gadhe the.

⁷⁰kuchh ḵẖāndānī sarparastoṅ ne rabb ke ghar kī tāmīr-e-nau ke liye apnī ḵẖushī se hadie die. gavarnar ne sone ke 1,000 sikke, 50 kaṭore aur imāmoṅ ke 530 libās die. ⁷¹kuchh ḵẖāndānī sarparastoṅ ne ḵẖazāne meṅ sone ke 20,000 sikke aur chāṅdī ke 1,200 kilogrām ḍāl die. ⁷²bāqī logoṅ ne sone ke 20,000 sikke, chāṅdī ke 1,100 kilogrām aur imāmoṅ ke 67 libās atā kie.

⁷³imām, lāvī, rabb ke ghar ke darbān aur ḵẖidmatgār, gulūkār aur avām ke kuchh log apnī apnī ābāī ābādiyoṅ meṅ dubārā jā base. yūṅ tamām isrāīlī dubārā apne apne shaharoṅ meṅ rahane lage.”

azrā sharīat kī tilāvat kartā hai

sātveṅ mahīne yānī aktūbar meṅ jab isrāīlī apne apne shaharoṅ meṅ dubārā ābād ho gae the