pahalī kitāb : 1-41

do rāheṅ

¹mubārak hai vah jo na bedīnoṅ ke mashvre par chaltā, na gunāhgāroṅ kī rāh par qadam rakhtā, aur na tānāzanoṅ ke sāth baiṭhtā hai

²balki rabb kī sharīat se lutf’andoz hotā aur din rāt usī par ġaur-o-ḵẖauz kartā rahatā hai.

³vah naharoṅ ke kināre par lage daraḵẖt kī mānind hai. vaqt par vah phal lātā, aur us ke patte nahīṅ murjhāte. jo kuchh bhī kare us meṅ vah kāmyāb hai.

⁴bedīnoṅ kā yah hāl nahīṅ hotā. vah bhūse kī mānind haiṅ jise havā uṛā le jātī hai.

⁵is liye bedīn adālat meṅ qāim nahīṅ raheṅge, aur gunāhgār kā rāstbāzoṅ kī majlis meṅ maqām nahīṅ hogā.

⁶kyūṅki rabb rāstbāzoṅ kī rāh kī paharādārī kartā hai jabki bedīnoṅ kī rāh tabāh ho jāegī.