Zabūr 100

¹shukrguzārī kī qurbānī ke liye zabūr.

ai pūrī duniyā, ḵẖushī ke nāre lagā kar rabb kī madahsarāī karo!

²ḵẖushī se rabb kī ibādat karo, jashn manāte hue us ke huzūr āo!

³jān lo ki rabb hī ḵẖudā hai. usī ne hameṅ ḵẖalaq kiyā, aur ham us ke haiṅ, us kī qaum aur us kī charāgāh kī bheṛeṅ.

⁴shukr karte hue us ke darvāzoṅ meṅ dāḵẖil ho, sitāish karte hue us kī bārgāhoṅ meṅ hāzir ho. us kā shukr karo, us ke nām kī tamjīd karo!

⁵kyūṅki rabb bhalā hai. us kī shafqat abdī hai, aur us kī vafādārī pusht-dar-pusht qāim hai.