Zabūr 120
tuhamat lagāne vāloṅ se rihāī ke liye duā
1ziyārat kā gīt.
musībat meṅ maiṅ ne rabb ko pukārā, aur us ne merī sunī.
2ai rabb, merī jān ko jhūṭe hoṅṭoṅ aur farebdih zabān se bachā.
3ai farebdih zabān, vah tere sāth kiyā kare, mazīd tujhe kyā de?
4vah tujh par jaṅgjū ke tez tīr aur dahakte koile barsāe!
5mujh par afsos! mujhe ajnabī mulk masak meṅ, qīdār ke ḵẖaimoṅ ke pās rahanā paṛtā hai.
6itnī der se amn ke dushmanoṅ ke pās rahane se merī jān taṅg ā gaī hai.
7maiṅ to amn chāhatā hūṅ, lekin jab kabhī bolūṅ to vah jaṅg karne par tule hote haiṅ.