Zabūr 128
jis ḵẖāndān ko allāh barkat detā hai
1ziyārat kā gīt.
mubārak hai vah jo rabb kā ḵẖauf mān kar us kī rāhoṅ par chaltā hai.
2yaqīnan tū apnī mehanat kā phal khāegā. mubārak ho, kyūṅki tū kāmyāb hogā.
3ghar meṅ terī bīvī aṅgūr kī phaldār bel kī mānind hogī, aur tere beṭe mez ke ird-gird baiṭh kar zaitūn kī tāzā shāḵẖoṅ [a] is se murād hai paivandakārī ke liye daraḵẖt se kāṭī gaī ṭahaniyāṅ. kī mānind hoṅge.
4jo ādmī rabb kā ḵẖauf māne use aisī hī barkat milegī.
5rabb tujhe koh-e-siyyūn se barkat de. vah kare ki tū jīte jī yarūshalam kī ḵẖushhālī dekhe,
6ki tū apne potoṅ-navāsoṅ ko bhī dekhe. isrāīl kī salāmatī ho