Zabūr 136
taḵẖlīq aur qaum kī tārīḵẖ meṅ allāh ke mojize
1rabb kā shukr karo, kyūṅki vah bhalā hai, aur us kī shafqat abdī hai.
2ḵẖudāoṅ ke ḵẖudā kā shukr karo, kyūṅki us kī shafqat abdī hai.
3mālikoṅ ke mālik kā shukr karo, kyūṅki us kī shafqat abdī hai.
4jo akelā hī azīm mojize kartā hai us kā shukr karo, kyūṅki us kī shafqat abdī hai.
5jis ne hikmat ke sāth āsmān banāyā us kā shukr karo, kyūṅki us kī shafqat abdī hai.
6jis ne zamīn ko mazbūtī se pānī ke ūpar lagā diyā us kā shukr karo, kyūṅki us kī shafqat abdī hai.
7jis ne āsmān kī raushniyoṅ ko ḵẖalaq kiyā us kā shukr karo, kyūṅki us kī shafqat abdī hai.
8jis ne sūraj ko din ke vaqt hukūmat karne ke liye banāyā us kā shukr karo, kyūṅki us kī shafqat abdī hai.
9jis ne chāṅd aur sitāroṅ ko rāt ke vaqt hukūmat karne ke liye banāyā us kā shukr karo, kyūṅki us kī shafqat abdī hai.
10jis ne misr meṅ pahalauṭhoṅ ko mār ḍālā us kā shukr karo, kyūṅki us kī shafqat abdī hai.
11jo isrāīl ko misriyoṅ meṅ se nikāl lāyā us kā shukr karo, kyūṅki us kī shafqat abdī hai.
12jis ne us vaqt baṛī tāqat aur qudrat kā izhār kiyā us kā shukr karo, kyūṅki us kī shafqat abdī hai.
13jis ne bahar-e-qulzum ko do hissoṅ meṅ taqsīm kar diyā us kā shukr karo, kyūṅki us kī shafqat abdī hai.
14jis ne isrāīl ko us ke bīch meṅ se guzarne diyā us kā shukr karo, kyūṅki us kī shafqat abdī hai.
15jis ne firaaun aur us kī fauj ko bahar-e-qulzum meṅ bahā kar ġarq kar diyā us kā shukr karo, kyūṅki us kī shafqat abdī hai.
16jis ne registān meṅ apnī qaum kī qiyādat kī us kā shukr karo, kyūṅki us kī shafqat abdī hai.
17jis ne baṛe bādshāhoṅ ko shikast dī us kā shukr karo, kyūṅki us kī shafqat abdī hai.
18jis ne tāqatvar bādshāhoṅ ko mār ḍālā us kā shukr karo, kyūṅki us kī shafqat abdī hai.
19jis ne amoriyoṅ ke bādshāh sīhon ko maut ke ghāṭ utārā us kā shukr karo, kyūṅki us kī shafqat abdī hai.
20jis ne basan ke bādshāh oj ko halāk kar diyā us kā shukr karo, kyūṅki us kī shafqat abdī hai.
21jis ne un kā mulk isrāīl ko mīrās meṅ diyā us kā shukr karo, kyūṅki us kī shafqat abdī hai.
22jis ne un kā mulk apne ḵẖādim isrāīl kī maurūsī milkiyat banāyā us kā shukr karo, kyūṅki us kī shafqat abdī hai.
23jis ne hamārā ḵẖayāl kiyā jab ham ḵẖāk meṅ dab gae the us kā shukr karo, kyūṅki us kī shafqat abdī hai.
24jis ne hameṅ un ke qabze se chhuṛāyā jo ham par zulm kar rahe the us kā shukr karo, kyūṅki us kī shafqat abdī hai.
25jo tamām jāndāroṅ ko ḵẖurāk muhayyā kartā hai us kā shukr karo, kyūṅki us kī shafqat abdī hai.
26āsmān ke ḵẖudā kā shukr karo, kyūṅki us kī shafqat abdī hai.