Zabūr 23

¹dāūd kā zabūr.

rabb merā charvāhā hai, mujhe kamī na hogī.

²vah mujhe shādāb charāgāhoṅ meṅ charātā aur pursukūn chashmoṅ ke pās le jātā hai.

³vah merī jān ko tāzādam kartā aur apne nām kī ḵẖātir rāstī kī rāhoṅ par merī qiyādat kartā hai.

⁴go maiṅ tārīktarīn vādī meṅ se guzrūṅ maiṅ musībat se nahīṅ ḍarūṅgā, kyūṅki tū mere sāth hai, terī lāṭhī aur terā asā mujhe tasallī dete haiṅ.

⁵tū mere dushmanoṅ ke rū-ba-rū mere sāmne mez bichhā kar mere sar ko tel se tar-o-tāzā kartā hai. merā piyālā terī barkat se chhalak uṭhtā hai.

⁶yaqīnan bhalāī aur shafqat umr bhar mere sāth sāth raheṅgī, aur maiṅ jīte jī rabb ke ghar meṅ sukūnat karūṅgā.