Zabūr 70
dushman se najāt kī duā
1dāūd kā zabūr. mūsīqī ke rāhanumā ke liye. yādadāsht ke liye.
ai allāh, jaldī se ā kar mujhe bachā! ai rabb, merī madad karne meṅ jaldī kar!
2mere jānī dushman sharmindā ho jāeṅ, un kī saḵẖt rusvāī ho jāe. jo merī musībat dekhne se lutf uṭhāte haiṅ vah pīchhe haṭ jāeṅ, un kā muṅh kālā ho jāe.
3jo merī musībat dekh kar qahqahā lagāte haiṅ vah sharm ke māre pusht dikhāeṅ.
4lekin tere tālib shādmān ho kar terī ḵẖushī manāeṅ. jinheṅ terī najāt piyārī hai vah hameshā kaheṅ, “allāh azīm hai!”
5lekin maiṅ nāchār aur muhtāj hūṅ. ai allāh, jaldī se mere pās ā! tū hī merā sahārā aur merā najātadihandā hai. ai rabb, der na kar