Zabūr 87
siyyūn aqvām kī māṅ hai
1qorah kī aulād kā zabūr. gīt.
us kī bunyād muqaddas pahāṛoṅ par rakhī gaī hai.
2rabb siyyūn ke darvāzoṅ ko yāqūb kī dīgar ābādiyoṅ se kahīṅ ziyādā piyār kartā hai.
3ai allāh ke shahar, tere bāre meṅ shāndār bāteṅ sunāī jātī haiṅ. (silāh)
4rabb farmātā hai, “maiṅ misr aur bābal ko un logoṅ meṅ shumār karūṅgā jo mujhe jānte haiṅ.” philistiyā, sūr aur ethopiyā ke bāre meṅ bhī kahā jāegā, “in kī paidāish yahīṅ huī hai.”
5lekin siyyūn ke bāre meṅ kahā jāegā, “har ek bāshindā us meṅ paidā huā hai. allāh t’ālā ḵẖud use qāim rakhegā.”
6jab rabb aqvām ko kitāb meṅ darj karegā to vah sāth sāth yah bhī likhegā, “yah siyyūn meṅ paidā huī haiṅ.” (silāh)
7aur log nāchte hue gāeṅge, “mere tamām chashme tujh meṅ haiṅ.”