Paidaaish 23
saara kee vafaat
1saara 127 saal kee umr men habroon men intiqaal kar gaee. 2us zamaanay men habroon ka naam qiryat-arba tha, aur vah mulk-ay-kan’aan men tha. ibraaheem nay us kay paas a kar maatam kiya. 3phir vah janaazay kay paas say utha aur hittiyon say baat kee. us nay kaha, 4“main aap kay darmiyaan pardesee aur ghairshaheree kee haisiyat say raheta hoon. mujhay qabr kay liyay zameen bechen taaki apnee beevee ko apnay ghar say lay ja kar dafan kar sakoon.” 5-6 hittiyon nay javaab diya, “hamaaray aaqa, hamaaree baat sunen! aap hamaaray darmiyaan allaah kay raees hain. apnee beevee ko hamaaree behtareen qabr men dafan karen. ham men say koee naheen jo aap say apnee qabr ka inkaar karega.”
7ibraaheem utha aur mulk kay baashindon yaanee hittiyon kay saamnay taazeeman jhuk gaya. 8us nay kaha, “agar aap is kay liyay tayyaar hain ki main apnee beevee ko apnay ghar say lay ja kar dafan karoonto suhar kay betay ifron say meree sifaarish karen 9ki vah mujhay makfeela ka ghaar bech day. vah us ka hai aur us kay khet kay kinaaray par hai. main us kee pooree qeemat denay kay liyay tayyaar hoon taaki aap kay darmiyaan rahetay huay meray paas qabr bhee ho.”
10ifron hittiyon kee jamaaat men maujood tha. ibraaheem kee darakhwaast par us nay un tamaam hittiyon kay saamnay jo shaher kay darvaazay par jama thay javaab diya, 11“naheen, meray aaqa! meree baat sunen. main aap ko yah khet aur us men maujood ghaar day deta hoon. sab jo haazir hain meray gavaah hain, main yah aap ko deta hoon. apnee beevee ko vahaan dafan kar den.”
12ibraaheem dubaara mulk kay baashindon kay saamnay adban jhuk gaya. 13us nay sab kay saamnay ifron say kaha, “meharbaanee karkay meree baat par ghaur karen. main khet kee pooree qeemat ada karoonga. usay qabool karen taaki vahaan apnee beevee ko dafan kar sakoon.” 14-15 ifron nay javaab diya, “meray aaqa, sunen. is zameen kee qeemat sirf 400 chaandee kay sikkay hai. [a] taqreeban saadhay chaar kilograam chaandee. aap kay aur meray darmiyaan yah kya hai? apnee beevee ko dafan kar den.”
16ibraaheem nay ifron kee matlooba qeemat maan lee aur sab kay saamnay chaandee kay 400 sikkay tol kar ifron ko day diay. is kay liyay us nay us vaqt kay raaij baat istemaal kiay. 17chunaanchay makfeela men ifron kee zameen ibraaheem kee milkiyat ho gaee. yah zameen mamray kay mashriq men thee. us men khet, khet ka ghaar aur khet kee hudood men maujood tamaam darakht shaamil thay. 18hittiyon kee pooree jamaaat nay jo shaher kay darvaazay par jama thee zameen kay intiqaal kee tasdeeq kee. 19phir ibraaheem nay apnee beevee saara ko mulk-ay-kan’aan kay us ghaar men dafan kiya jo mamray yaanee habroon kay mashriq men vaaqay makfeela kay khet men tha. 20is tareeqay say yah khet aur us ka ghaar hittiyon say ibraaheem kay naam par muntaqil kar diya gaya taaki us kay paas qabr ho.