Looqa 24
eesa jee uthta hai
1itwaar kay din yah aurten apnay tayyaarshuda masaalay lay kar subah-saveray qabr par gaeen. 2vahaan pahunch kar unhon nay dekha ki qabr par ka patthar ek taraf ludhka hua hai. 3lekin jab vah qabr men gaeen to vahaan khudaavand eesa kee laash na paaee. 4vah abhee uljhan men vahaan khadee theen ki achaanak do mard un kay paas a khaday huay jin kay libaas bijlee kee tarah chamak rahay thay. 5aurten dahshat kha kar munh kay bal jhuk gaeen, lekin un mardon nay kaha, “tum kyoon zinda ko murdon men dhoond rahee ho? 6vah yahaan naheen hai, vah to jee utha hai. vah baat yaad karo jo us nay tum say us vaqt kahee jab vah galeel men tha. 7‘laazim hai ki ibn-ay-aadam ko gunaahgaaron kay havaalay kar diya jaaay, masloob kiya jaaay aur ki vah teesray din jee uthay’.”
8phir unhen yah baat yaad aaee. 9aur qabr say vaapas a kar unhon nay yah sab kuchh gyaarah rasoolon aur baaqee shaagirdon ko suna diya. 10mariyam magdaleenee, yooanna, yaaqoob kee maan mariyam aur chand ek aur aurten un men shaamil theen jinhon nay yah baaten rasoolon ko bataaeen. 11lekin un ko yah baaten betukee see lag rahee theen, is liyay unhen yaqeen na aaya. 12to bhee patras utha aur bhaag kar qabr kay paas aaya. jab pahuncha to jhuk kar andar jhaanka, lekin sirf kafan [a] lafzee tarjuma : kataan kee pattiyaan jo kafan kay liyay istemaal hotee theen. hee nazar aaya. yah haalaat dekh kar vah hairaan hua aur chala gaya.
immaaus kay raastay men eesa say mulaaqaat
13usee din eesa kay do pairokaar ek gaaon banaam immaaus kee taraf chal rahay thay. yah gaaon yarooshalam say taqreeban das kilomeetar door tha. 14chaltay chaltay vah aapas men un vaaqiaat ka zikr kar rahay thay jo huay thay. 15aur aisa hua ki jab vah baaten aur ek doosray kay saath bahs-mubaahasa kar rahay thay to eesa khud qareeb a kar un kay saath chalnay laga. 16lekin un kee aankhon par parda daala gaya tha, is liyay vah usay pahechaan na sakay. 17eesa nay kaha, “yah kaisee baaten hain jin kay baaray men tum chaltay chaltay tabaadla-ay-khayaal kar rahay ho?”
yah sun kar vah ghamgeen say khaday ho gaay. 18un men say ek banaam kliyupaas nay us say poochha, “kya aap yarooshalam men vaahid shakhs hain jisay maaloom naheen ki in dinon men kya kuchh hua hai?”
19us nay kaha, “kya hua hai?”
unhon nay javaab diya, “vah jo eesa naasree kay saath hua hai. vah nabee tha jisay kalaam aur kaam men allaah aur tamaam qaum kay saamnay zabardast quvvat haasil thee. 20lekin hamaaray raahanuma imaamon aur sardaaron nay usay hukmaraanon kay havaalay kar diya taaki usay saza-ay-maut dee jaaay, aur unhon nay usay masloob kiya. 21lekin hamen to ummeed thee ki vahee israaeel ko najaat dega. in vaaqiaat ko teen din ho gaay hain. 22lekin ham men say kuchh khavaateen nay bhee hamen hairaan kar diya hai. vah aaj subah-saveray qabr par gaeen 23to dekha ki laash vahaan naheen hai. unhon nay laut kar hamen bataaya ki ham par farishtay zaahir huay jinhon nay kaha ki eesa zinda hai. 24ham men say kuchh qabr par gaay aur usay vaisa hee paaya jis tarah un aurton nay kaha tha. lekin usay khud unhon nay naheen dekha.”
25phir eesa nay un say kaha, “aray naadaano! tum kitnay kundzahen ho ki tumhen un tamaam baaton par yaqeen naheen aaya jo nabiyon nay farmaaee hain. 26kya laazim naheen tha ki maseeh yah sab kuchh jhel kar apnay jalaal men daakhil ho jaaay?” 27phir moosa aur tamaam nabiyon say shuroo karkay eesa nay kalaam-ay-muqaddas kee har baat kee tashreeh kee jahaan jahaan us ka zikr hai.
28chaltay chaltay vah us gaaon kay qareeb pahunchay jahaan unhen jaana tha. eesa nay aisa kiya goya ki vah aagay badhna chaahata hai, 29lekin unhon nay usay majboor karkay kaha, “hamaaray paas thaheren, kyoonki shaam honay ko hai aur din dhal gaya hai.” chunaanchay vah un kay saath thahernay kay liyay andar gaya. 30aur aisa hua ki jab vah khaanay kay liyay baith gaay to us nay rotee lay kar us kay liyay shukrguzaaree kee dua kee. phir us nay usay tukday karkay unhen diya. 31achaanak un kee aankhen khul gaeen aur unhon nay usay pahechaan liya. lekin usee lamhay vah ojhal ho gaya. 32phir vah ek doosray say kahenay lagay, “kya hamaaray dil josh say na bhar gaay thay jab vah raastay men ham say baaten kartay kartay hamen saheefon ka matlab samjha raha tha?”
33aur vah usee vaqt uth kar yarooshalam vaapas chalay gaay. jab vah vahaan pahunchay to gyaarah rasool apnay saathiyon samet pahelay say jama the 34aur yah kah rahay thay, “khudaavand vaaqaee jee utha hai! vah shamaaoon par zaahir hua hai.”
35phir immaaus kay do shaagirdon nay unhen bataaya ki gaaon kee taraf jaatay huay kya hua tha aur ki eesa kay rotee todtay vaqt unhon nay usay kaisay pahechaana.
eesa apnay shaagirdon par zaahir hota hai
36vah abhee yah baaten suna rahay thay ki eesa khud un kay darmiyaan a khada hua aur kaha, “tumhaaree salaamatee ho.”
37vah ghabra kar bahut dar gaay, kyoonki un ka khayaal tha ki koee bhoot-pret dekh rahay hain. 38us nay un say kaha, “tum kyoon pareshaan ho gaay ho? kya vajah hai ki tumhaaray dilon men shak ubhar aaya hai? 39meray haathon aur paaon ko dekho ki main hee hoon. mujhay tatol kar dekho, kyoonki bhoot kay gosht aur haddiyaan naheen hoteen jabki tum dekh rahay ho ki mera jism hai.”
40yah kah kar us nay unhen apnay haath aur paaon dikhaaay. 41jab unhen khushee kay maaray yaqeen naheen a raha tha aur taajjub kar rahay thay to eesa nay poochha, “kya yahaan tumhaaray paas koee khaanay kee cheez hai?” 42unhon nay usay bhunee huee machhlee ka ek tukda diyaa 43us nay usay lay kar un kay saamnay hee kha liya.
44phir us nay un say kaha, “yahee hai jo main nay tum ko us vaqt bataaya tha jab tumhaaray saath tha ki jo kuchh bhee moosa kee shareeat, nabiyon kay saheefon aur zaboor kee kitaab men meray baaray men likha hai usay poora hona hai.”
45phir us nay un kay zahen ko khol diya taaki vah allaah ka kalaam samajh saken. 46us nay un say kaha, “kalaam-ay-muqaddas men yoon likha hai, maseeh dukh utha kar teesray din murdon men say jee uthega. 47phir yarooshalam say shuroo karkay us kay naam men yah paighaam tamaam qaumon ko sunaaya jaaega ki vah tauba karkay gunaahon kee muaafee paaen. 48tum in baaton kay gavaah ho. 49aur main tumhaaray paas usay bhej doonga jis ka vaada meray baap nay kiya hai. phir tum ko aasmaan kee quvvat say mulabbas kiya jaaega. us vaqt tak shaher say baahar na nikalna.”
eesa ko aasmaan par uthaaya jaata hai
50phir vah shaher say nikal kar unhen bait-aniyaah tak lay gaya. vahaan us nay apnay haath utha kar unhen barkat dee. 51aur aisa hua ki barkat detay huay vah un say juda ho kar aasmaan par utha liya gaya. 52unhon nay usay sijda kiya aur phir badee khushee say yarooshalam vaapas chalay gaay. 53vahaan vah apna poora vaqt bait-ul-muqaddas men guzaar kar allaah kee tamjeed kartay rahay.