Ayyoob 11
zoofar ka javaab : tauba kar
1phir zoofar naamaatee nay javaab day kar kaha,
2“kya in tamaam baaton ka javaab naheen dena chaahiay? kya yah aadmee apnee khaalee baaton kee bina par hee raastbaaz thaherega? 3kya teree bemaanee baaten logon kay munh yoon band karengee ki too aazaadee say laan-taan karta jaaay aur koee tujhay sharminda na kar sakay? 4allaah say too kaheta hai, ‘meree taaleem paak hai, aur teree nazar men main paak-saaf hoon.’
5kaash allaah khud teray saath hamkalaam ho, vah apnay honton ko khol kar tujh say baat karay! 6kaash vah teray liyay hikmat kay bhed kholay, kyoonki vah insaan kee samajh kay nazdeek mojizay say hain. tab too jaan leta ki allaah teray gunaah ka kaafee hissa darguzar kar raha hai.
7kya too allaah ka raaz khol sakta hai? kya too qaadir-ay-mutlaq kay kaamil ilm tak pahunch sakta hai? 8vah to aasmaan say buland hai, chunaanchay too kya kar sakta hai? vah paataal say gahera hai, chunaanchay too kya jaan sakta hai? 9us kee lambaaee zameen say badee aur chaudaaee samundar say ziyaada hai.
10agar vah kaheen say guzar kar kisee ko giriftaar karay ya adaalat men us ka hisaab karay to kaun usay rokega? 11kyoonki vah farebdih aadmiyon ko jaan leta hai, jab bhee usay buraaee nazar aaay to vah us par khoob dhyaan deta hai. 12aqal say khaalee aadmee kis tarah samajh pa sakta hai? yah utna hee naamumkin hai jitna yah ki janglee gadhay say insaan paida ho.
13ai ayyoob, apna dil pooray dhyaan say allaah kee taraf maail kar aur apnay haath us kee taraf utha! 14agar teray haath gunaah men mulavvas hon to usay door kar aur apnay khaimay men buraaee basnay na day! 15tab too beilzaam haalat men apna chihara utha sakega, too mazbootee say khada rahega aur darega naheen. 16too apna dukh-dard bhool jaaega, aur vah sirf guzray sailaab kee tarah yaad rahega. 17teree zindagee dopaher kee tarah chamakdaar, teree taareekee subah kee maanind raushan ho jaaegee. 18choonki ummeed hogee is liyay too mahfooz hoga aur salaamatee say let jaaega. 19too aaraam karega, aur koee tujhay dahshatzada naheen karega balki bahut log teree nazar-ay-inaayat haasil karnay kee koshish karengay. 20lekin bedeenon kee aankhen naakaam ho jaaengee, aur vah bach naheen sakengay. un kee ummeed maayooskun hogee [a] ya un kee vaahid ummeed is men hogee ki dam chhoden. .”